Popular Bible Verses from PETRUS GI NIGOM 1

Share

Jikwei ba, ipai sigyo bak Allah dino ide Tuhan Yesus Kristus Nicigya! Ningon ngakei nye nindig bibor biyai niyaijo nijep binye tug hon Yesus Kristus nikiju hanyen leu nimai eisi. Noni bindei ba, igyok ingon memti nddong kei. Gima rino igyok ingon mem nijam di igyai mun di kei bibor di Allah bet ei mem Nide limwa nya. Noni bet mun dima yok ei gwamti mem je. Bit bon mun dima yok sar cem mpiei cem pimber cem ei gwamti kan bi.

Mbro nok gino jingon buhun drek dip yo di ibingon je tug hon nisinati mang-mang ba, ihwen bit je mem nijam di jei bi dini lo, ma jingon kei bibor. Ide nibingon jeti ndo bindo tut gino jiba jingon com Allah haigtu e, he bi e? Bit leu nok mas di nok mun di pror yon di tungwatu nya ikwen ei humti. Jide niba ningon comti bon ninyeng dor njiriek mas. Mun di buhun bingon jide niba ningon comti bindei ba, jiba jingon com Yesus Kristus mungkun kei. Gino jingon nddong kikau lene Allah nggei sut je bikon jinyeng cem leu api jiyai jinyeng jei ei njap dino Yesus Kristus ttau hanyen kwei.

Noro ma jiyai munti nya hagom kwes-kwau bit leu nok Allah di hig je ningon kwes-kwau. Bit leu nok gi ipas ei Allah nihyetti “Ma jingon kwes-kwau bit leu nok Da di Allah dingon kwes-kwau.”

Ma jibit Allah ningon kanti mem je. Ma jingkwei kep jingon kanti kin jingut kanti timiei nya di jiyai tirigi jingon tindur yo pima au.

Gima rino ma jitin ei jibou ngwakti mem mun di mipek kep mem je nya hagom. Ma jiyai ngkiem cem leu api jiyok jingon mem mun di kei di Allah miyai bije ei mpe dino Yesus Kristus ttau hanyen kwei.

Bit leu nok gi ipas ei Allah nihyetti “Tungwatu dihyeisi dini hagom inok mintu-minta ba, inyeng di jei nya noyam kin mitou. Mintu-minta mui hak ba, mitou cem millet. Noro Allah nihyet jo gingga ba, bit bon ug hon nohonti kan bi.” Nihyet dima ne Nihyet Di Kei di Allah de awak nya itri tut bije ri.