Popular Bible Verses from MAAKI 14

Share

I Ngewɔ vɛlilɔ yɛ “Nya Kɛkɛ, ba gulɔ a hinda gbi wiela. Bolei yeeji, kpalɛi i ndavengɔ, aa foo nya ma dae. Na hu gbi bi liimɛi i wie, nya ndɛi ii le.”

Kɛ i ndenga ti ma yɛ, “A pelehu gbe, wu Ngewɔ vɛli aako kɔlɛya aa wu male. Wu yafei lumangɔe kɛɛ wu luwui gahu gbɔyɔngɔe.”

Gbɛɛ ngi tɔnyɛi hugɛ a wue, hindei gbi lekee ti Ngowili Yekpei ji leni na dunyei hu gbi, ji nyapoi ji i pienga, ta hugɛlɔ na ngi hinda hitɛva nungaa nɛmahu.”

Kɛ i ndenga ti ma yɛ, “Ndiimɔnɛi na i nya ma ngɔlɔngɔ wa le, yɛkɛ i nya waa. A lo mbei wu yɛ a pelehu gbe.”

Kia ti yɛ mɛhɛɛ mɛma, Yesu i bledii gbuhɛi wumbuilɔ, i siɛgbua Ngewɔ ma, i ngaingai, i fe ngi gaalopoisia wɛ yɛ, “A mɛ, nya luwui lɔ.”

Kɛ i bolei wumbunga, i siɛgbua Ngewɔ ma, i fe ti wɛ, kɛ ti gbi ti kpɔlenga. Kɛ Yesu i ndenga yɛ, “Nya Ŋamɛi lɔ, na i wama wuma numu gboto va, nya ŋamɛi na a Ngewɔ hinda yangilingɔi gbakpa.

Yesu ndeilɔ ti ma yɛ, “Wu gbi wa lewelɔ a piimɛ wu vaya nya ma, ajifa Ngewɔ Gɔlɛi i ndeilɔ yɛ, ‘Ngewɔ a mbala mahugbemɔi waalɔ kɛ mbalangɛisia ti hu i vayanga.’

A hiye mu li. A wote mbei, numui na i nya vema taa mbei gbla.”

Kɛ Yesu i ndenga Pita ma yɛ, “Gbɛɛ ngi tɔnyɛi hugɛ a bie, pɛiŋ tɛhinɛi i yaa gokole heima fele a kpindi ji, ba ndelɔ heima sawa bɛɛ bii nya gɔɔ.”