Popular Bible Verses from BiRomaŋ beŋ 1

Share

Yaŋ ka iŋ kuyaahu hali ba Huseri Huyɔhɔy haŋ, baa huna sɛmbɛ ba Masaala niye biya fooma kisi bi niyɛ lanɛya ka Yisɔs Kraist beŋ; mayoŋ biYusu beŋ awa iŋ biya bi ka siyani bahɛna baŋ beŋ nda fooma.

Huseri Huyɔhɔy haŋ tɔŋɔŋ nagberekethe nɔŋ na Masaala kiye biyamɛti nɔŋ biya bithumbɛ ka kuwaŋ kukɛnama koŋ. Ndɛ ni bɛyiniŋ baŋ baŋ fooma saathɛ ba na ni biya lanɛya. Wuŋ baŋ niiye nɔŋ na tepo nthɔŋ wuŋ na ka magbali ma ka Masaala maŋ na, na “Yɔkɔŋ wɔ wo Masaala kutu ba wundɛ niyɔ wɔ thumbɛ saathɛ ba na ni wundɛ kulanɛya nape, ndɛ na kutu sii.”

Kabi ka mathɛrɛŋ maŋ naa thɛrɛŋ Masaala dunia baŋ iŋ ntha yo ntha, biya bi kɔŋ punku metho nagberekethe ba dɔma na sɛmbɛ nama baŋ ka iŋ mapeye, iŋ ba wundɛ niyɔ Masaala yaathi. Maniyɔiŋ maŋ maŋ mɛŋ sa kutiyoko, kɛrɛ biya bi kɔŋ mɛŋ metho. Biya bi kɔŋ mɛŋ metho maŋaye ka munkiŋ mu yeheni wundɛ muŋ, bɛna wɔmɛti ka iŋ kabari hali ba ba ni wundɛ baŋ.

Bindɛ kɔthɛŋ Masaala na, kɛrɛ bindɛ dunkuneta niŋ yiki nama baŋ, ba hintiŋ tɛpa na ba niŋ thiya maamo. Masimɔkɔ makɛnamɛŋ maŋ see thɔkɔ fooma, awa thathukuma namɛŋ tha ka ntha thaŋ see thiŋa iŋ huntuma nagbi.

Bindɛ thikipinande nɔndi baŋ ba Masaala ka hothi; bindɛ ni kubatho e putiyɔ munkiŋ mu yeheni Masaala muŋ e pɛyɛna ba putiyɔ Masaala na e niya niŋ kubatho wo yehinuwɛ muŋ woŋ, wo sisande ba thunkunuwo woŋ haaŋ ka wuŋ key. Nɛna huŋ yaathi.

Masaala wo ka ariana woŋ tɔŋɔŋ na wundɛ thonkine biya ba saathɛ ba hakɛŋ iŋ bɛyiniŋ banɛnɔy fooma ba ni bindɛ baŋ iŋ na bindɛ pindi biya ba kɔthɔ nɔndi baŋ ba wundɛ.

Ba kolo babɛina, Masaala dunkuŋ bindɛ ka ŋafiyo ŋa ni ba bindɛ niya bɛyiniŋ baŋayaahu. Hali yɛrɛmɛŋ beŋ atikitande mutaayi iŋ yɛrɛmɛŋ ntɔni namɛŋ. Nanthe hɛlɛŋ nɛŋ, biyɛthɛŋ beŋ pɛyi ba tikitande mutaayi iŋ yɛrɛmɛŋ e nda niyɔ kufiyo ba tikitande mutaayi iŋ biyɛthɛŋ ntɔni namɛŋ. Biyɛthɛŋ atikitande mutaayi iŋ bintɔni namɛŋ; wuŋ bɛyi bakuyaahu bɛna. Huna bindɛ Masaala gbasiŋite ba banɛnɔy ba bindɛ ni baŋ. Biyamɛti baŋaŋ ba kɔsina ka thathukuma thakɛnamɛŋ thaŋ nɔndi ba bohe bindɛ ba kɔthɔ baŋ ba Masaala, wuna biyɛ Masaala bindɛ pɛyɛna ka sako bakɛnamɛŋ haliko bi be nda kɔ siyi ba niya bɛyiniŋ banɛnɔy timo tima, awa e nda kɔ niya bɛyiniŋ ba ka nde bindɛ ba niya baŋ gbeeŋ.

Bindɛ tepe na bikele, kɛrɛ bindɛ niyɔ bithɔkɔy. Saanuŋ bindɛ ba niya kubatho Masaala wo sa tuku woŋ, ani kubatho dekɛŋ bi yehiniyɔkɔy bindɛ nɔŋ biyamɛti, maa bɛtiŋ, maa maamiŋ bi ŋathaki ŋanaŋ, maa bibɔlɔkɔy.