Popular Bible Verses from 1 BiKɔrinthi beŋ 6

Share

E beŋ kɔita ba dɔma na ŋakɔtɔ ŋakendeŋ ŋaŋ ŋɛna banka ba ka Yina wo ka Masaala woŋ, wo kaake kendeŋ woŋ, wo dunkuno nde beŋ iŋ Masaala woŋ? Beŋ biyeketa; Masaala ndɛ na biyɛ bena. Wundɛ boye bena mɔlɔŋ bakahɛ, bɛna niyeŋ wali ŋakɔtɔ ŋakendeŋ ŋaŋ ba yiki ba ka Masaala baŋ.

Beŋ kɔthɛŋ nagberekethe ba dɔma na biya binɛnɔy beŋ sa kutu Hugbakinɛ hu ka Masaala haŋ. Baŋ thɔkinɔkɔ; biya bi ni ŋabɛini ŋahakuwande beŋ fooma, maa bi ni kubatho dekɛŋ beŋ, maa biya bi ni ŋabɛi iŋ yɛrɛmɛŋ biyɛntɔy beŋ, maa biyɛthɛŋ bi sikiŋ bintɔni namɛŋ yɛrɛmɛŋ beŋ, maa batuwani beŋ, bamilɛŋ beŋ, bi thiiye mampa beŋ haaŋ e yilɔ, maa bi teeti bintɔni namɛŋ ŋakeŋ beŋ, maa bi tuwe ka kansuŋ beŋ, wɔ wunthe ka beŋ beŋ sa biyande ka Hugbakinɛ hu ka Masaala haŋ.

Thankinaŋ ba ŋabɛi ka mateete makendeŋ. Wɔ o wɔ wo ni hakɛ bahɛna wundɛ tha niye kɔtɔ nama koŋ wali ba bɛŋ niya. Kɛrɛ wɔ o wɔ wo kutu mathonko ma ka niya kubɛi, wɔ bɛina ni hakɛ ma sɔkinɔkɔ kɔtɔ nama koŋ gbeeŋ.

Wɔ nɔndi kɔŋ tɛpi, na “Yaŋ mekino ba niya bɛyi o bɛyi.” Kɛrɛ yaabi bakiyaŋ baŋ bɛna baŋ baŋ, na ndo nɛna huŋ, kɛrɛ bɛyi o bɛyi kutɛ yɔhɔy ba yi. Yaŋ punkeŋ tɛpa ba dɔma, na “Yaŋ mekino ba niya bɛyi o bɛyi,” kɛrɛ yaŋ sa mɛyi ba yama bɛyi o bɛyi sikina waayi.

Awa Masaala wo ŋayinɛ Mariki woŋ ŋaye ka hutuka haŋ woŋ, wundɛ kɔŋ hɛlɛŋ nɛŋ niye sɛmbɛ nama baŋ wali ba mina ŋayina ka tuka haŋ.