Popular Bible Verses from Lɛta Fɔ Rom 8

Share

Wi no se ɛnitin we mit wi, Gɔd de mek i bi fɔ wi yon gud, wi we lɛk am, ɛn we i dɔn kɔl fɔ du wetin i bin dɔn plan.

A shɔ se natin nɔ ebul tap wi fɔ fil di lɛk we i lɛk wi: day ɔ layf, enjɛl ɔ dɛn bad spirit we de rul ɔ dɛn pawa na di klawd, dis tɛm ya ɔ di tɛm we de kam; di wɔl we de pantap ɔ di wɔl we de ɔnda natin nɔ de we Gɔd mek we go ebul mek di lɛk we Gɔd lɛk wi we Jizɔs Krays wi Masta dɔn sho wi, tap fɔ rich wi.

Semwe so, Gɔd in Spirit de ɛp wi, we wi nɔ ebul biliv pan Gɔd gud gud yet. Wi nɔ no aw fɔ pre, na Gɔd in Spirit insɛf de tɔk to Gɔd fɔ wi; di pini we i de pini gɛt minin to Gɔd we mɔtalman nɔ ebul ɔndastand ɔ tɔk.

Wɛn wi luk ɔl dɛn tin ya, wetin wi go se? If Gɔd de fɔ wi, nɔbɔdi nɔ go ebul wi.

Gɔd nɔ de kɔndɛm dɛn pipul we gɛt wanwɔd wit Jizɔs Krays.

If una jɛs de mɛmba wetin una at want nɔmɔ, dat go mek una day; bɔt if una jɛs de mɛmba wetin Gɔd in Spirit want nɔmɔ, una go gɛt di tru layf ɛn kol at.

Bɔt insay ɔl dɛn tin ya, we de bi to wi, di wan we lɛk wi de mek wi ebul win ɔltɛm.

A shɔ se di sɔfa we wi de sɔfa naw, nɔ go kam klos ɔl di wɔndaful tin dɛn we Gɔd go mek bi to wi.

Udat ɔ wetin go mek di lɛk we Krays lɛk wi tap fɔ rich wi? Natin: trɔbul, traŋa layf, di sɔfa we pipul de mek wi sɔfa, aŋri, po, denja, ɔ day sɛf nɔ go ebul mek di lɛk we Krays lɛk wi tap fɔ rich wi.

Gɔd, we no wetin mɔtalman want nain at, no wetin di Spirit min, bikɔs di Spirit de beg Gɔd fɔ in pipul dɛn ɛn i de tɔk wetin Gɔd insɛf want.

Dɛn pipul we de du wetin Gɔd in Spirit tɛl dɛn fɔ du, na Gɔd in pikin dɛn.

Dɛn pipul we de fala wetin dɛn at tɛl dɛn, na dat nɔmɔ go de na dɛn ed fɔ du; bɔt dɛn wan we de du wetin Gɔd in Spirit tɛl dɛn fɔ du, na wetin di Spirit want nɔmɔ nain de na dɛn ed fɔ du.

Gɔd nɔ kip in Pikin mek i nɔ sɔfa, i sakrifays am fɔ wi ɔl! Gɔd we sakrifays in Pikin fɔ wi ɔl, i nɔ go gi wi ɔltin fri?

Gɔd in Spirit wit wi yon spirit de tɔk di sem tin se wi na Gɔd in pikin dɛn. We wi na Gɔd in pikin dɛn, wi go gɛt dɛn blɛsin we Gɔd dɔn prɔmis in pipul dɛn, semwe so, wi gɛt pan wetin Gɔd bin kip fɔ Krays. If wi sɔfa lɛkɛ aw Krays sɔfa, Gɔd go mek di wɔndaful layf we Krays gɛt bi wi yon.

So, if mɔtalman jɛs de mɛmba wetin in at want nɔmɔ, dat go mek i nɔ lɛk Gɔd; i nɔ go de du wetin Gɔd in lɔ se, ɛn i nɔ go ebul du am sɛf.

Ɔltin we Gɔd mek de wet ɛn dɛn want bad bad mek Gɔd sho dɛn in pikin dɛn.

Wi no se sote naw, i jɛs tan lɛkɛ se ɔl wetin Gɔd mek de pini bikɔs dɛn de fil pen lɛkɛ di pen we uman kin fil bifo i bɔn pikin.