Popular Bible Verses from Mak 14

Share

I se, “Mi Papa, yu ebul du ɔltin, duya, nɔ mek a sɔfa dis sɔfa we a fɔ sɔfa, bɔt ɛniwe, nɔ du wetin a want, du wetin yu want.”

Una fɔ waydawek ɛn una fɔ pre mek una nɔ go sin wɛn Setan tray una. Una want du di rayt tin, bɔt una nɔ gɛt di pawa fɔ du am.”

A de tɛl una se, ɛni say na wɔl we dɛn de tɛl pipul di Gud Nyuz, dɛn mɔs mɛmba dis uman ɛn tɔk bɔt dis tin we i dɔn du so.”

I se, “Mi at so ebi dat a fil fɔ day. Una sidɔm na ya, una nɔ slip, una pre wit mi.”

Wɛn dɛn de it, Jizɔs tek bred, i pre ɛn tɛl Gɔd tɛnki. I kɔt kɔt am ɛn gi in lanin bɔy dɛn ɛn se, “Una tek am ɛn it am, dis na mi bɔdi.”

Dɛn i tek di kɔp ɛn pre ɛn tɛl Gɔd tɛnki. I gi in lanin bɔy dɛn; dɛn ɔl drink pan di wayn. I tɛl dɛn se, “Dis na mi blɔd we a tek mek di agrimɛnt we Gɔd mek wit in pipul dɛn. A dɔn sakrifays am fɔ plɛnti plɛnti pipul.

Jizɔs bigin tɔk to in lanin bɔy dɛn, i se, “Una ɔl go lɛf mi; bikɔs dɛn rayt na Gɔd in Buk se, ‘Gɔd go strayk di man we de mɛn di ship dɛn mek i day, ɛn di ship dɛn go skata.’

Una grap, lɛ wi go; una luk, di pɔsin we go sɛl mi de kam naw!”

Jizɔs se, “Pita, a de tɛl yu se, dis nɛt, bifo fɔl kro tu tɛm, yu go dɔn tɔk tri tɛm se yu nɔ no mi.”