Popular Bible Verses from Mak 12

Share

Jizɔs ansa am se, “Na di lɔ we se, ‘Una we na Izrɛl pipul, lisin! Di Masta na wi Gɔd, ɔda wan nɔ de. Una fɔ lɛk di Masta we na una Gɔd wit ɔl una at, ɔl una layf, ɔl una maynd, ɛn ɔl una pawa.’ Di ɔda lɔ we impɔtant nain dis, ‘Una fɔ lɛk una kɔmpin mɔtalman lɛkɛ aw una lɛk unasɛf.’ Ɔda lɔ nɔ de we pas dɛn tu ya.”

Nain Jizɔs kɔl in lanin bɔy dɛn ɛn se, “A de tɛl una se, dis po uman we in man dɔn day put mɔ kɔpɔ pas ɔlman we kam put kɔpɔ na di bɔks. Ɔlman we kam put kɔpɔ jɛs put kenkeni pan di plɛnti plɛnti kɔpɔ we dɛn gɛt, bɔt dis uman put ɔl wetin i bin gɛt fɔ tek manej in layf.”

Jizɔs bin sidɔm fesin di bɔks we dɛn de put kɔpɔ na Gɔd in Os de luk we di pipul dɛn de kam put dɛn kɔpɔ insay di bɔks. Plɛnti jɛntri pipul put plɛnti kɔpɔ insay di bɔks. Dɛn wan po uman we in man bin dɔn day go put tu kɔpɔ nɔmɔ we na lɛkɛ wan sɛnt nɔmɔ, insay di bɔks.

Ɛn we yu se, wi fɔ lɛk Gɔd wit ɔl wi at, ɔl wi maynd, ɛn ɔl wi pawa, ɛn wi fɔ lɛk wi kɔmpin mɔtalman lɛkɛ aw wi lɛk wisɛf. Dat bɛtɛ pas ɔl di sakrifays dɛn we wi de mek ɛn ɔl di bif dɛn we wi de bɔn we wi de sakrifays to Gɔd.”

Jizɔs se, “Una gi di kiŋ na Rom wetin blant am ɛn una gi Gɔd wetin blant Gɔd.” Di pipul dɛn we kam fɔ tray Jizɔs wɔnda wɛn dɛn yɛri wetin Jizɔs tɔk.