Popular Bible Verses from Apɔsul Dɛn Wok 25

Share

Fɛstɔs nɔ tek pas tɛn de na Jerusɛlɛm bifo i go bak na Sizaria. Di ɔda de i go kot fɔ jɔj kes; i mek dɛn briŋ Pɔl kam bifo am. Wɛn Pɔl rich insay di kot, di Ju pipul dɛn we bin kɔmɔt Jerusɛlɛm go tinap rawnd am. Dɛn tɔk se Pɔl du plɛnti bad tin, bɔt dɛn nɔ bin ebul pruv se na tru dɛn de tɔk.

Pɔl tray fɔ sho se na lay dɛn lay pan am, i se, “A nɔ du ɛnitin we di Ju Lɔ se wi nɔ fɔ du, a nɔ du ɛnitin bad na Gɔd in Os, ɛn a nɔ du ɛnitin we di Roman lɔ se wi nɔ fɔ du.”