Popular Bible Verses from Romu 5

Share

Ma di Alla ye nya min, a ara wo yira ma la bawo ma ye hakɛ-tigiyɛ la wati min, Allata-Mɔgɔ-Yabɔnɛ fagara ma ye.

ado yigi kɛ ti ma baya mumɛ! A ti ma baya bawo Alla ara ala keninteyɛ kɛ ma yisi rɔ. A ya ata Ni-Sɛnimɛ min di ma ma, wo le ye ma yisi lafala keninteyɛ la.

Nba, ma sewanɛ fanan mala tɔrɔyɛnu tɔ bawo ma ya a lɔn ko tɔrɔyɛ si ma labila dinyɛ ma. Ni ma ya ma mun, wo si ma kolo. Mala kole si ma yigi-bɛrɛ la ma bolo kisi-koe rɔ

Ma ara telen Alla ye dɛnkɛninyɛ fɛ min kɛ, yisi-kimɛ ye mabɛ Alla tɛma ma Mari Yisa, Allata-Mɔgɔ-Yabɔnɛ baraka rɔ. Dɛnkɛninyɛ fɛ, Yisa ara ma lana Allala hinɛ kɔrɔ, ado ha kaka, ma ye hinɛ wo le kɔrɔ. Ma sewanɛ fanan bawo ma ya a lɔn ko wati do, ma si ala gbiliyɛ wo diya bɔ.

Allata-Mɔgɔ-Yabɔnɛ fagara male hakɛ-tiginu ye a wati-latɛgɛnɛ rɔ bawo ma ti ke ma nyɛrɛ dɛnbɛna.

Ata sayɛ ya a ma, ma ara telen Alla ye, ado min sanɛ wo kuma, ma si kisi Allata diminyɛ ma.

Mɔgɔ siyaman mara hakɛ-tigi la, mɔgɔ kelan kɛla kuma-birabɛlitayɛla ko la, ado mɔgɔ siyaman la si telen Alla ye ka a tɛgɛ doi wota kuma-birɛla ko la.

Kɔnɔ a dama ma wo la, ma sewanɛ bawo ma Mari Yisa, Allata-Mɔgɔ-Yabɔnɛ ara ma ma Alla diyana-mɔgɛ la.