Popular Bible Verses from Yilan-Yilan Koe 14

Share

Wo kana murutiya Mari ma. Wo kana kilan nyɔ-mɔgɛnu na. Ma si mɔgɛ wonu nɔ le yɛlefɛ! Mari ye ma fɛ. Anu lanɛ anuna bɛsɛ minnu na ko wonu si anu kandan. Fanka ye mata Mari la ka tenbi wonu na. Wo kana kilan hali doni bɛrɛni!”

i ti diminya yona, ko i si ita habadan-keninteyɛ yira mɔgɛnu na anubɛ ita lanayɛ. I si mɔgɛnu makoto minnu bi hakɛ kɛla anubɛ minnu bi murutiyala i ma. Kɔnɔ ile ya a fɔ nun fanan ko i si hakɛ-tiginu sara iko anuna hakɛ ye nya min. Ni mɔgɛ ya hakɛ kɛ, ata hakɛ yakɔrɔ-mamɔɛ wo si sigi ala dannu kuma ha ka ta a sigi a tolo-birɛnu anubɛ a tolo-bira-sɔɛnu na.

Ni Mari nyagalenta ma la, a si ta ma la nyamani-hakikɛ wo rɔ ka nyɔ di ma ma.

Fɔ Kelabu min ya a tole masɔ n na, ale sa iko a mɔgɛ toenu. Wo le ma bɔ n kɔma, woletɔ n si a ma, a ara nyamanɛ min tatagama nun, a ni don nyɔ rɔ.

Kumɛ kɛ latenbi anu ma n ye ko, ‘N bara n keli n nyɛrɛ ma, ado wo ni la a la worɔ yati, ko n si a ma wo ye iko ile Musa ya n manyinika nya min. Wo Mari le nde la min bi kɛ fɔla.

Mari ya a fɔ Musa ye ko, “Mɔgɛ kɛnu si anu ban n na ha wati nyamintan? Hali n bara kabana-ko-siyaman min kɛ anu yala kɔnɔ ha bi, mɔgɛ kɛnu ma la n na.

Anu bara gbunya Musa anubɛ Aruna kɔrɔ. Anu ko, “A fisa nun, hali ma tora fagala Iyipiti. Hali ma fagara wula-da-rakolɔn kɛ rɔ yan.

Ko-lakɔrɔsila mɔgɔ filɛ, Nunna den-kei Yasowa anubɛ Yɛfunɛla dan Kelabu, wonu yisi magboyara ha anu ya anuna durukinu tafara yisi-tinya bolo. Anu ya a fɔ mɔgɛnu ye ko, “Ma tara nyamanɛ wo mafɛlɛn tinɛ. A kin kati!

Iko n bara n keli n nyɛrɛ ma anubɛ nta gbiliyɛ min bi kan tinɛ kɛ bɛɛ rɔ nya min, nba, anu do-wo-do ti don Kenan nyamanɛ rɔ. Anu damasi ya nna ta-waan wo yen serr! Anu ya kabana-ko-siyaman yen n ya min ma Iyipiti anubɛ n ya min ma wula-da-rakolɔn rɔ. Anu ya a yen, n ya n munyu anu kɔrɔ iko siyaman. Hali wo, anu ma sɔn ka nta kumɛ bira. N ya nyamanɛ min di anu benbanu ma, anu ti don nyɔ rɔ muk! Minnu ya n nafɛya, hali wonu kelen ti don Kenan nyamanɛ wo rɔ mumɛ!