Popular Bible Verses from Matiyu 28

Nba, wo ni ta mɔgɛ bɛɛ wara ka anu ma nna karan-dannu na. Wo ni anu batasi Fa Alla anubɛ ala dan anubɛ ale Ni-Sɛnimɛ tɔgɔ rɔ. N bara anu karan koe min bɛɛ la, wo ni anu karan ko anu ni koe wo bɛɛ bira. Ado nfan, wo ni wo hɛnkili to kɛ ko, n si to wo fɛ tumɛ bɛɛ ha wati-laban.”

Yisa nara sɔ anu tɛma. A ko, “Sɛnbɛ bɛɛ ara di n ma san-kole rɔ anubɛ dugu-kole kuma.

Melika wo kumara musi wonu ye. A ko, “Wo kana kilan. N ya a lɔn ko wo ye Yisa le nyinina min gbangbanta kɔlɔma ma nun. A sa yan. A ara wuli iko a ya a fɔ nya min. Wo na a sa-tinɛ mafɛlɛn.

Yisa ya a fɔ anu ye ko, “Wo kana kilan. Wo ta a fɔ n na-kelen-nyɔgɛnu ye ko anu ni ta Kalili. Anu si n yen nyɔ.”

Saraka-masɔla-wɛnubɛ Yahudiya-kɛmɔgɛnu ya anu nyɔgɔn nadɛn. Anu ya wodi-ba di kɛlɛ-dannu ma. Anu ko, “Wo ni a fɔ ko wo ye kinɔgɛ rɔ tumɛ min, ala karan-dannu nara suyi rɔ ka a furi kankan. Nba, ni kun-tigi Pailɛti ya wo lamɔɛn, ma si a madiya, hali wo ma hɔn fenfenna ko la.” Kandannɛnu ya wodi wo bi. Anu ya a ma iko a fɔra anu ye nya min. Ha bi, kumɛ wo nyɛnsɛnnɛ Yahudiyanu tɛma.