Popular Bible Verses from Rumi 1

Share

Wonti akanatiifi anini Odu Dansa iraa inch'eeru: isiini jabeenna Waaqa ka worra d'ugefate ch'ufaani baasani, qaraa fiit'e Yahudi eegi suni gosa d'ibi.

Wonti akanatiifi Odu Dansa keesa Waaqi kara inni d'uga nama hereguuni agarsiisa: karaani suni d'ugefacha ch'alla. Akuma t'aafiini jettu, Nami Waaqi maro d'ugefachatifi d'uga hereguufi injiraata.

Haga Waaqi lafa uume jabeenna isaa ka hegeretiifi, waaqoomi isaaleeni, ato ilaani argu baatani, ya waan inni tolche keesa aka dansa mullate.

Worri Waaqa imbeekha, ammo ulfinna isaa male kennuufi didani, yokhaani galatale isa indeebisani. Ammo heregi worra ya daallae, mataani worra ka qalbi inqamne ya dukanae.

D'uga Waaqaa lakisani waan d'ara tolchani, Waaqa ka waan ch'ufa uume lakisani, waan inni uume kad'atani ulfeesani. Inni haga hegeri ha guddifamu! Amini.

Dalansuuni Waaqa ya mullatte gubbaa gadi buute, daba worra hamama ch'ufa ira buute. Worri hameenna ufitiini d'uga mullachu d'owa.

Maro waan nami tolchuufi, Waaqi ya waan hamtu ka ch'eera worrati lakise. Nad'eeni ya aada ufi ta rifane lakifte waan aada male taate. D'iirtileeni ya nad'eeni lakifte wolid'araate. D'iirti waan ch'eera woltolchite, akanaani gaargala argachu malte nafa ufi keesa argatti. Maro biyyiti waan d'uga Waaqa barachu diddeefi, inni ya qalbi hamtuti worra lakise, tanaafi waan tolchu himmalini tolchani.

Qalbi qamna ufiini jed'ani, ammo daalle tahani; fulla sila Waaqa indoone ulfeesani waan harkaani boch'ani ka nama yokhaani simpirre yokhaani bineensafi waan lafa ira loha fakeesani ulfeesani.