Popular Bible Verses from VAFILIPI 4

Share

Muvuli khuheendakhu mwoyo khulondokhana khu shia shindu shiosi; navutswa mu lisaala lienyu liosi mureeve Nyasaye shia shindu shiosi shia mwenyanga, shia khase khosi mumureevenje nu mwoyo ku khusanditsa.

Milembe chirulanga khu Nyasaye, chiavira limanya liosi liu mundu, chilalinda vulahi mioyo chienyu nende tsinganakani tsienyu khuvirila mu Yesu Kristo.

Mulimalila, vasuuvili vashianje, mure mu tsinganakani tsienyu vindu vinyala khumukhola khwitsominywa; nivili vindu vilondokhana nu vwatoto, vindu vichilanga luyali nu lunyolekha, vindu vichilanga likhola liu vulunji nilikholwa, vindu vichilanga vunihu nu vuvaho, vindu vichilanga vuyaanzi nu vuvaho, khandi vindu vichilanga tsimbavasi nitsivaho.

Nyala khukhola shia shindu shiosi khuvirila mu woyo uchilanga nimba ni tsingulu.

Mwikhoyele mu Mwami shia khase khosi. Ngalushilanga khuvoola: Mwikhoyele!

Nyasaye wanje aliitsa khumuha shia shindu shiosi shia mwenyanga khurulana khu vunyishi vu vuhinda vwevwe khuvirila mu Yesu Kristo.

Mure mu vikholwa shia shindu shiosi, shia mweka khandi numuhulila khurula khwinzi. Shia shindu shiosi, shia mwahulila khandi numulola nikholanga. Nyasaye uchilanga nu khumenya mu milembe, aliitsa khuva na munyi.

Nu vulahi numumanyinyi mwoyo ku vuhoma khu shia mundu wosi. Mwami aliitsa khukalukha vwangu yuvu.

Namanya vulahi vwene liiva liu khuvula khuva ni shindu, khandi liiva liu khuva navio mu vunyishi khuvira shichelo. Nayeka kaviswa yaka, kave kakholeshe shia havundu hosi, mumatukhu koosi mbe nayinalitsa, kave nayikura inoho ndi ni inzala, inoho khali nindi navio mu vunyishi inoho vitititi.

Shinyala khuva mbolanga ndio, shichila nyenyanga mukhonye tawe; navutswa nayinalitsa mwiima ku khwikhutsila mushitititi shiandi nashio.