Popular Bible Verses from Va le Roma 6

Share

Hikuva hakelo ra xijoho i rifu, kambe nyiko leyinyikiwaka ntsena, leyihumaka ka Xikwembu, i vutomi lebzingaheliki, ha Yesu Kriste Hosi ya hina.

Kujoha kungahamifumi, hikuva amili hansi ka Nawu, kambe svosvi mi le hansi ka timpsalu.

Loko svilitano, hikhuvuleliwa kufa ka yena, hilahliwile na yena, lesvaku kukotisa lesvi Kriste apfuxiweke xikarhi ka vafi, hi matimba ya kukwetsima ya Tatana, na hina hitahanya hi ndlela leyimpsha.

mingahanyiketeni svirho sva n'wina kujoheni, mingahasvitirhiseni kuyendla lesvohomboloka; kambe tinyiketeni ka Xikwembu tani hi vanhu lavahanyaka, lavahumeke xikarhi ka vafi. Kutani minyiketa svirho sva n'wina ka Xikwembu, misvitirhisa kuyendla lesvolulama.

Lesvi hisvitivaka hi lesvaku munhu wa hina wa khale avambiwile na Kriste xihambanwini lesvaku matimba ya munhu lweyi wa kujoha mahelisiwa, ni lesvaku hitakala hingahavi svitirhi sva kujoha.

Hi mukhuva wolowo, na n'wina tivoneni na mili lavafeke hi tlhelo ra kujoha, kutani na mili lavahanyelaka Xikwembu ha Yesu Kriste.

Loko svilitano, xana hitakuyini? Xana hitaya mahlweni hijoha lesvaku timpsalu titala ke? Nikutsongo! Hina hifeke hi tlhelo ra kujoha, xana hingahahanyela yini kujoheni ke?

Xana amisvitivi lesvaku, loko mitinyiketa kutirhela mun'wana ni kumuyingisa, misvikarawa sva lweyi mimuyingisaka ke? Hambisvitirhi sva kujoha loku kuyisaka kufeni, hambi svikarawa svakuyingisa loku kuyisaka kululameni.

Kambe akukhensiwe Xikwembu, hikuva n'wina lava va khale amili svikarawa sva kujoha, svosvi miyingisile hi mbilu hinkwayu ntiyiso wa jondzo leyi miyikumeke. Kutani mitshunxiwile kujoheni, miva mihundzuka svitirhi sva kululama.