Popular Bible Verses from Nhlavutelo 8

Share

Loko Xinyempfana xipfulile mfungu wa vuntlhanu ni yimbirhi, kumiyeliwa kuku zwee, letilweni, hi nkarhi lowulavaka kuringana hamfu ya wora.

Ntsumi yosungula yiba mhalamhala ya yona, kutani kuva ni marhalana ni ndzilo, na svipatsiwe ni ngati, sviwela misaveni; xikhemu xin'we ka svinharhu xa misava xipsha, ni xa vunharhu xa minsinya xipsha, ni bzanyi hinkwabzu bza rihlaza bzipsha.

Loko nilanguta, nivona ni kutwa gama rihaha na riyimba hi rito leritlakukeke tilweni, riku: “Yowee! Yowee! Yowee ka vayaki va misava, loko timhalamhala letin'wana titachayiwa hi tintsumi letinharhu leti tahasaleke.”

Ntsumi ya vumbirhi yiba mhalamhala ya yona, kutani xilo xokarhi lexifanaka ni ntshava leyikulu leyipfurhaka ndzilo, xihoxiwa lwandle. Kutani xikhemu xin'we xa vunharhu xa lwandle xihundzuka ngati.

Ntsumi ya vunharhu yiba mhalamhala ya yona, kutani nyeleti leyikulu yiwa hi le tilweni yivuvumela kufana ni xisa xa ndzilo, yiwela henhla ka xikhemu xin'we xa vunharhu xa milambu, ni le svihlobzeni sva mati. Vito ra nyeleti yakona avaku i “Manono”, kutani xikhemu xin'we xa vunharhu xa mati xihundzuka manono, kutani vanhu lavotala vafa hi mati wolawo, hikuva amahundzukile lawa mabavaka svinene.

Ntsumi ya vumune yiba mhalamhala ya yona, kutani xikhemu xin'we xa vunharhu xa jambu xitimeka, ni xa vunharhu xa n'weti, ni xa vunharhu xa tinyeleti, lesvaku xikhemu xin'we xa vunharhu xa kuvonakala ka svona xihundzuka xa ntima. Xikhemu xin'we xa vunharhu xa nhlekanhi xingahavoningi, sviva tano ni xa vunharhu xa vusiku.