Popular Bible Verses from Nhlavutelo 3

Share

Vona, niyimile nyangweni, nagongondza. Loko munhu atwa rito ra mina apfula xipfalu, nitanghena kaya ka yena nija na yena, na yena ataja na mina.

Nitiva mintirho ya wena, ni lesvaku awutitimeli, nasvona awuhisi. Asvitayampsa loko awutitimela, kumbe uhisa. Kambe lesvi ukufumelaka, ungahisiki, nasvona ungatitimeliki, nitakukampfula non'weni wa mina.

Nitshinya ni kukhatisa lava nivarhandzaka; hikolaho, tikarhate uhundzuka!

Nitiva mintirho ya wena. Vona, nivekile mahlweni ka wena xipfalu lexipfulekeke, lexi kungaliki na mun'we lweyi angakotaka kuxipfala. Nasvitiva lesvaku matimba ya wena i matsongo, kambe rito ra mina urihlayisile, ni vito ra mina awuriyalanga.

Lweyi ahlulaka, nitamunyika kutshama na mina xiluvelweni xa mina, kukotisa lesvi na mina hi xiviri nihluleke, kutani nitshamaka ni Tatana wa mina xiluvelweni xa yena.

Uvula lesvaku ufuwile, nakona u mufuwi, awupfumali nchumu, kasi awusvitivi lesvaku u mutsandzeki ni muxaniseki ni xisiwana ni xifamahlo ni lesvaku awuyambalanga nchumu!

Lesvi ungahlayisa rito ra mina ra lesvaku ufanela kutiyisela, na mina nitakusirhelela nkarhini wa ndzingo lowu wungatata misaveni hinkwayu, kutaringa vayaki va misava.

Nitata kungali khale. Hlayisa lesvi unga na svona, lesvaku kungavi na lweyi angatakutekela hari ya wena.

Pfuka uhiteka, utiyisa lesvisaleke, lesvinga kusuhi ni kufa, hikuva anikumanga mintirho ya wena na yihetisekile mahlweni ka Xikwembu.