Popular Bible Verses from Nhlavutelo 20

Share

Loko vito ra munhu ringakumiwi na ritsaliwile bukwini ya vutomi, munhu yelweyo ahoxiwa tiveni ra ndzilo.

Nasvona, nivona vafi, lavakulu ni lavatsongo, na vayimile mahlweni ka Xitshamu xa Vuhosi, kutani tibuku tipfuliwa. Kupfuliwa ni buku yin'wanyana, yinga buku ya vutomi. Vafi vayavanyisiwa mayelanu ni lesvi svingatsaliwa tibukwini, hi kuya hi lesvi vasviyendleke.

Lwandle ritlhelisa lavafeleke ka rona. Rifu ni Tihele svitlhelisa vafi lava avali ka svona, kutani hinkwavu vayavanyisiwa mayelanu ni lesvi vasviyendleke. Rifu ni Tihele svihoxiwa tiveni ra ndzilo, ringa rona rifu ra vumbirhi.

Kutani nivona Xitshamu xa Vuhosi lexikulu xobasa, na yena lweyi atshameke ka xona; loko tilo ni misava svimuvona, svibaleka sviya kule, kutani ndhawu ya svona ayahavanga kona.

Loko malembe ya khulu (1 000) matava mahelile, Sathana atatshunxiwa jele lomu apfaleliweke kona, kutani atahuma akanganyisa vamatiko lavayakeke matlhelweni hinkwawu ya misava, vanga vona va ka Goge na Magoge. Sathana atahuma nyimpi na vona, na vafana ni misava ya lwandle hi kutala.