Popular Bible Verses from Nhlavutelo 11

Share

Hi loko ntsumi ya vuntlhanu ni timbirhi yiba mhalamhala ya yona, kutani kutwakala marito lamatlakukeke ya le tilweni maku: “Matimba ya mimfumu ya misava, svosvi manyikiwile Hosi ya hina na Kriste wa yona, kutani atafuma hilaha kungaheliki.”

Matiko ya misava mahlundzuka svinene, kambe siku ra vukarhi bza wena rifikile; i nkarhi wa kuyavanyisa lavafeke. I nkarhi wa kunyika hakelo ka vaprofeta, malandza ya wena, ni ka vahlawuliwa va wena hinkwawu, ni ka hinkwavu lava vakuchavaka, lavakulu ni lavatsongo. I nkarhi wa kuhelisa lavahahlulaka misava.”

Nitanyika timboni ta mina ta timbirhi matimba, kutani titaprofeta hi xipimo xa khulu ni madzana mambirhi ni ntlhanu wa makume ni rin'we (1260) wa masiku, na tiyambale sviyambalu sva masaka.”

Kambe ndzhaku ka masiku lawo ya manharhu ni hamfu, amoya wa vutomi lowuhumaka hi le ka Xikwembu, wunghenile ka vona, kutani vasuka vayima hi milenge ya vona. Hinkwavu lava vavavoneke vakhomiwa hi kuchava lokukulu.

Lava va ni matimba yopfala tilo lesvaku mpfula yingani, masikwini ya kuprofeta ka vona; nasvona va ni matimba henhla ka mati kumahundzula mayendla ngati; vanyikiwile ni matimba ya kuba misava hi mintungu ya tinxakaxaka, makhambi lawa vamalavaka.

Timboni leti i minsinya yimbirhi ya maolivha ni svitlhomativoni svimbirhi, lesvi svinga mahlweni ka Hosi ya misava. Loko munhu aringeta kuvayendla svobiha, kutahuma ndzilo hi le milon'weni ya vona, wuhelisa valala va vona; hi mukhuva wolowo mani na mani lweyi angataringeta kuvayendla svobiha, afanela kudlayiwa.