Popular Bible Verses from Yakobe 2

Share

Hikolaho loko kupfumela kuli koxe, kungali na mintirho, kufile.

Hikolaho, tani hi lesvi miri lowungahava moya wufeke, kupfumela nakona lokungahava mintirho kufile.

Svipfuna yini, vamakwerhu, loko munhu aku a ni kupfumela, kambe angali na mintirho? Xana kupfumela ka yena kungamuponisa ke?

Wena upfumela lesvaku ku ni Xikwembu xin'we ntsena. Uyendla svona. Hambi mali madimoni mapfumela svosvo, na mali karhi marhurhumela.

Kambe munhu angavula aku: “Wena u ni kupfumela; Mina ni ni mintirho.” “Nikombe kupfumela ka wena lokungaliki ni mintirho, kutani mina hi mintirho ya mina nitakukomba kupfumela ka mina!”

Hakunene kuyavanyisa kungakala kungatweli vusiwana munhu lweyi angatweliki vusiwana van'wana. Kambe kutwela vusiwana kutahlula sikwini ra kuyavanyisa.

Wasvivona lesvaku munhu ayendliwa lweyi alulameke mahlweni ka Xikwembu hi mhaka ya mintirho, kungali hi kupfumela ntsena.

Wasvivona lesvaku kupfumela ka yena akuseketeliwa hi mintirho ya yena, kutani kupfumela kuyendliwile loku kuhetisekeke hi mintirho.