Popular Bible Verses from Vaheberu 10

Share

Hingatshukeni hitshika kuhlengeletana, kufana ni lesvi van'wana vatoloveleke kuyendla svona, kambe hi khongotelana, ngopfu ngopfu lesvi mivonaka lesvaku siku ra Hosi riya ritshunela.

Ahilaveni tindlela topfuxana, hikombana rirhandzu ni mintirho leyinene.

Ahikhomeni svitiya kulanguteleni loku hikutwalisaka, na hingakanakani, hikuva lweyi ahitshembiseke watshembeka.

Svafanela lesvaku mitiyisela, akuva mitakota kuyendla kurhandza ka Xikwembu, mitayamukela lesvi xingamitshembisa svona.

ahitshineleleni Xikwembu hi mbilu leyinamarhelaka ntiyiso ni kupfumela lokuhetisekeke; timbilu ta hina leti n'watsekiweke, atibase tihambana ni ripfalu lerobiha, ni miri wa hina wuva lowuhlampsiweke hi mati lawa yotenga.

Hikolaho, mingaheleni mbilu, hikuva kutiyisela ku ni hakelo leyikulu.

Loko hiya mahlweni hijoha ha vomu ndzhaku ka loko hinyikiwile kutiva ntiyiso, akahali na mhamba yin'wana yosusa svijoho, kambe kuyo sala ntsena kulangutela lokuchavisaka ka kuyavanyisiwa, ni vukarhi lebzipfurhaka lebzingatahelisa valala va Xikwembu.