Popular Bible Verses from I Va le Korinto 13

Share

Rirhandzu ratiyisela, nasvona ri ni timpsalu; rirhandzu ari na mavondzo, aritinyungubzisi, aritikulisi; rirhandzu arihanyi hi ndlela yosoleka, aritilaveli lesvi svinga sva rona ntsena, ari na xitsukutswana; rirhandzu ari na xiveketela xa lesvobiha

Riyamukela hinkwasvu, ripfumela hinkwasvu, rilangutela hinkwasvu, ritiyisela ka hinkwasvu.

rirhandzu aritsakeli kuhomboloka, kambe ritsakisiwa hi ntiyiso.

Svosvi-ke, kutiyile svilo svinharhu: Kupfumela, kulangutela ni rirhandzu; kambe lexikulu ngopfu ka svona i rirhandzu.

Rirhandzu ariheli ni siku ni rin'we. Loko bzili vuprofeta bzitahundza; na tona tindzimi titahela; hambi bzili bzona vutivi bzitahundza.

Hambi ningavulavula tindzimi ta vanhu ni ta tintsumi, kambe ningali na rirhandzu, nifana ni nsimbi leyipfumaka, kumbe sviphambati sva nsimbi loko svibananisiwa.

Ni loko kumbe nili ni nyiko ya kuprofeta, nili ni kutwisisa svihundla hinkwasvu ni vutivi hinkwabzu, ni loko nili ni kupfumela hinkwaku, nikondza nikunula tintshava, kambe ningali na rirhandzu, ani nchumu.

Hambi ningateka rifuwo ra mina hinkwarhu ninyika vanhu, ni loko ninganyiketa miri wa mina lesvaku wuhisiwa, kambe ningali na rirhandzu, asvinipfuni nchumu.

Loko nahali xihlangi, anivulavula kufana ni xihlangi, nititwa kufana ni xihlangi; kambe svosvi ningahundzuka wanuna, nitshikile sva vuhlangi.