Popular Bible Verses from Iromayon 14

Share

Naarai ajakaanut ka Akuju mam kerait akiro nuka akinyama ka akimata, konye erait naka adolit, aipuc, kiton alakara kamaka Emoyo Lokalaunan. Na ijaanakinata itung'a Kristo kokipone kalo, italakarete kesi Akuju bobo ecamuuto itung'a kesi.

Kijarete oni, ijarete oni kanuka Lokapolon. Bobo kitwakata oni, itwakate oni kanuka Lokapolon. Kanuka ng'unu, atikere kijarata oni kere de kitwakate oni, iraito oni luka Lokapolon.

Kanuka ng'unu, ejii oni ng'in pak akote asoma iboro lu eyaunete aipuc kiton lu edukete itung'a kere.

Kanuka ng'unu kenyekisi atubonokin luce. Konye ejii osi atyakun mam cut asoma ibore ipede ni einakini nice egatar kere de ibirokin toma aronus.

Naarai ebalasi agirasia nukalaunak be: “Ebala Lokapolon ebe abeite, karait eong' cut Akuju lo ejari, ebuni ng'ini akong'i akukokin koking'aren kang'. Ebuni ng'ini ang'ajepe alimor ebe arait eong' Akuju.” Ejii ng'in itwan kama wok alemun aimario keng' kamaka Akuju.

Kidiautu ng'ulu lu enonok akiyuun kes. Konye mam apega ka kesi kuju ka awomowomisio kes.

Ing'ai ijo ni itubonokin lukejaanakinak ketwaan kece? Erait ejakait kes kikulopek nes etiakuni kitolototo kesi kojokan kere kibirorosi kesi. Itolosete kesi kojokan naarai ebeikini Lokapolon aking'arakin kesi kitolototo kojokan.