Popular Bible Verses from Iromayon 12

Share

Mam osi akitup nuka akwap kana, konye kinyekisi Akuju kibeloki osi kotoma kopone kaloka akibelokin adama kus. Kosodete osi ajenun nu ekote Akuju, ibore ni elae, ni italakarit kiton kani ejokokuna cut.

Kanuka ng'unu, ikanacan ka akanacan kang', kanuka asianut ka Akuju kama wok, elipit eong' osi kicamito: Kolemunosi osi ikulopek bala isubanit ni ejari kolae bobo kitiminarite Akuju. Na nesi akimaa na ejokuna akidut.

Kinyeki akiyuun kon koinaki ijo alakara. Kotitiny kocan kon, bobo kilipi ng'ini pak.

Mam akinyekin aronus ilanyi ijo. Kilanya aronus kasoma nukajokak.

Komina nice kamina kanaka abeite bala ikanacan ka akanacan lu eraito Ikristayon. Komina ayong'ite luce.

Amina tar koraite naka abeite. Kong'ere ibore nikaronon, kirum baaba ibore ni ejokuna.

Kisoma ibore kere ni ibeikiit ijo kowai kon kanuka akiboi kotoma aipuc kang'in itwan.

Ipoupatin kang', mam akinyang', kinyekisi anyunyura ka Akuju kisoma ng'unu. Naarai ebalasi agirasia nukalaunak ebe, “Enyang'i eong', ataci eong', ebala Lokapolon.”

Kisoma ka agogong'u, mam akalanyanut. Kijaanaki Lokapolon ketau kaloka alemuna.

Kanuka asianut kana einakit Akuju eong', kalimokini eong' osi kere. Mam akiitute ebe ipoloko osi adepar luce. Kojooka awomowomisio kus atupa ka akiyuun na ainaki Akuju osi.

Kisomaki itwan ijo nukarokok, mam akitaca nesi karonus. Kotamaki asoma ng'unu nu anyuut ng'ini itwan ebe ejooka.

Kojaasi ka apodo kana iriana kuju kang'in itung'anan. Mam epogi konye kocamu asoma asoma nukokwap. Mam akiitunun ebe ico ijo.

Konye kwape ebalatatar agirasia nukalaunak ebe, “Kiirarito ipading'atin kon eteng'e, kitana kesi. Kedaut kesi akure, koinaki akipi. Naarai kopone kang'olo, inakini ijo icwei asilut kesi.”

Kilipi Akuju kisulwanyik ng'ulu lu kisicanete ijo. Kilip nesi kisulwanyik, mere akilama kesi. Kolakara kang'ulu kalu elakara. Komonyete kang'ulu kalu emonyete.

Komorete iboro kus ka Ikristayon kaluce kalu ejaasi kakadadu. Kidiaunenete ilong'au koreria kus.

Ijaasi oni ka atutubesia kanu egelegela kakwaan. Atutubesia ng'unu kere ejaasi ka asoma kanu egelegela. Kokipone kalope kang'oli, atikere kipuaka oni, iraito oni akwana ape kotoma Kristo. Bobo irucokina oni kijokin namaka nice iraito oni atutubesia nu egelegela nuka akwana kape.