Popular Bible Verses from Iromayon 10

Share

Kilimo ijo kakituk kon ebe erait Yesu Lokapolon ka akiyuun kotau kon ebe abu Akuju kitajaru nesi alomun kamaka lukatwak, kiyuno ijo.

Naarai erait akitoro akiyuun wok nes itodolikinere oni koking'aren ka Akuju. Erait akitor alimor wok nes kiyunere oni.

Kanuka ng'unu, ebuni akiyuun akitoro apupun akirot, akirot ebuni akitor akisiarasiara kuju ka Kristo.

Ebalasi agirasia nukalaunak ebe, “Ng'ini kere ni emunokini nesi mam kitakadikino.” Imorikikiito nu ng'in itwan. Naarai emam agelakinet na ejii kiding' ka Iyaudin kiton Ilong'au. Erait Akuju Lokapolon epe jepeje loka itung'a kere, bobo isirereng'enene nesi cut ng'ulu kere lu iworoete ekiror keng'. Kwape ebalatatar agirasia nukalaunak ebe, “Ng'ini kere ni enyarauni Lokapolon king'arak nesi eyuuno.”

Ikote akiro elimorosi ai kemam kiyakiarite ikiyakia? Kwape ebalatatar agirasia nukalaunak ebe, “Ejokuna noi abunore naka ekiyakia kalo eyauni akiro nukajokak!”

Konye ikote kesi enyaraunete nesi king'araki kesi ai, kemam kesi kiyuuto? Ikote kesi iyunete ai kemam kesi kiirarito akiro? Ikote kesi iirarete akiro ai kemam kelimoro akiro?

Etodolo Kristo Ekisil osial, tetere ng'in ni iyuuni itodolikino koking'aren ka Akuju.