Popular Bible Verses from Apukokinio 22

Share

Eong' nes losodit kiton lokesial, eong' nes ageunete kakirikakinet.”

Ebala Yesu ebe, “Kiirasi, abuti eong' atipet! Abuti eong' kidutan kang', ainakin ng'in itwan atupa kanu esoma nesi.

Ebalasi Emoyo nepepe ka aberu na itemokina amanyakin ebe, “Kobutu!” Bobo ng'ini itwan ni epupi nu itemokina atemar ebe, “Kobutu!” Bobo ng'ini ni iirarit akure kobu. Bobo ng'ini ni ekote, komata akipi nuka akijar mam akitaca ibore.

Erereng' ng'ulu lu ilosete inagai kes kocaete kadumun kokipone kang'olo kadumun adolite naka akinyama araito nuka ekitoi kaloka akijar kakitor okekia elomete ore lokapolon.

Ebala Yesu ebe, “Kiirasi! Abuti eong' atipet! Erereng' ng'ulu lu eyong'ito akiro nuka akidwar nu ejaasi okitabo lo!”

Emamuni bobo akware, bobo mam kesi kebunete akote atarai kere de akolong', naarai ebuni Lokapolon Akuju araun acaus kes, bobo ebunete kesi akipuga bala lukepugak ikaru kere.

Nesi lo etodia nu ejeni nesi kuju kanu kere ebala ebe, “Teni cut! Abuti eong' atipet!” Ikote nepeneni. Kobuu Lokapolon Yesu! Asianut ka Lokapolon Yesu kojaasi kang'in itwan.

Ekwenyari eong' ng'in itwan ni iirari akiro nuka akidwar nuka ekitabo kalo. Kiyataki itwan nukeng' kuju kanu, ebuni Akuju akiyatakin nesi ican lu inerite kokitabo kalo. Bobo kelema itwan ibore kere akiro kanuka akidwar nuka ekitabo kalo, ebuni Akuju alemar kama kes nu itemokina kesi adumun kokitoi kalo ejaasi ka akijar bobo kotoma, Ore Lokalaunan, nu inerite kokitabo kalo.