Popular Bible Verses from Aroma 6

Share

Thangwi kutambiriswa kwa kudawa ndi kufa. Mbwenye muwoni wa kupaswa pezi wa Mulungu ndi upulumuki wakukhonda kumala muna Kirixtu Yezu, Mbuya wathu.

Thangwi kudawa nkhabe kudza kakukundani, thangwi imwe muli pantsi pa mwambo tayu, mbwenye muli pantsi pa kukoma ntima kwa Mulungu.

Na tenepo, taikhwa pabodzi na Iye pa kufa kubulukira pa kutambira batixmu, toera ninga Kirixtu alamuswa pa kufa kubulukira mu mbiri ya Baba, ifembo tinakhala na upulumuki upsa.

Lekani kupereka mapindi a manungo anu mwa kudawa, ninga pida pyakucita napyo kuipa. Mbwenye perekekani kuna Mulungu ninga anthu adabuluka pa kufa kwenda ku upulumuki. Pontho perekani mapindi a manungo anu kuna Iye ninga pida pyakulungama.

Thangwi tisadziwa kuti munthu wathu wakale akhomerwa pa ntanda pabodzi na Iye, toera manungo athu a kudawa afudziwe, pontho tikhonde khala adzakazi a madawi.

Sawa-sawa na imwembo, dziwani kuti ndimwe akufa kuna madawi, mbwenye ndimwe a m'maso kuna Mulungu muna Kirixtu Yezu.

Tinalonganji mphapo? Tisatongwa basi kukhala n'kudawa toera kukoma ntima kwa Mulungu kuinjipe? Nkhabe citika! Ife takhala ninga anthu akufa pa pinthu pyakudawa, tinakhala tani pontho n'kudawa?

Imwe nkhabe dziwa kuti mungaperekeka kuna munthu kuti mum'bvere ninga adzakazi, musakhala adzakazi a ule anabvera imwe? Ngakhala ndimwe adzakazi a madawi, anakupitisani mwa kufa. Ngakhala ndimwe adzakazi a kubvera, kunakupitisani mwakulungama.

Mbwenye tisapereka takhuta kuna Mulungu thangwi imwe kale ene mukhali adzakazi a madawi, cincino musabvera na ntima wanu onsene cipfundzo cidatambira imwe. Imwe mwasudzulwa n'kudawa, cincino ndimwe adzakazi a Mulungu toera kucita pyakulungama.