Popular Bible Verses from Aroma 2

Share

Na tenepo, ngakhala iwe munthu pyako, usaakonesa andzako iwe mbucita pibodzi-bodzi, usanyerezera kuti unakwanisa kuthawa ntsiku ya kutongwa na Mulungu? Peno nkhulongera kuti iwe usapwaza udidi ukulu wa Mulungu, kuphata ntima kwace, na kupirira kwace, mbukhonda dzindikira kuti udidi wa Mulungu ndiwo unakukwata kuti iwe uchunyuke kudawa kwako?

Na tenepo, iwe unatonga andzako nkhabe pakutunira. Thangwi usakoneseka wekha pa pire pinatonga iwe, thangwi iwe unatonga, usacita pibodzi-bodzi.

Thangwi kuna Mulungu nkhabeko tsankhulo.

Thangwi anyakulungama pamaso pa Mulungu si ale anabva mwambo tayu, mbwenye ale anautoweza, ndiwo anafuna kucemerwa anyakulungama.

Mulungu anabwezera m'bodzi na m'bodzi, na pire pidacita iye.

Mbwenye kunadza kaoneka kuipirwa na kusirizwa kwa Mulungu kuna ale anyaumbirimi, anakhonda kubvera pya ndimo mwene mbatowera pyakuipa.

Mbwenye na thangwi ya upoka wako na kuuma kwako ntima, usanjipisa kuipirwa kwa Mulungu kuna iwe wekha ene, pa ntsiku eneyi ya kuipirwa kwa Mulungu angadza kapangisa kutonga kwace kwakulungama.