Popular Bible Verses from Aroma 12

Share

Lekani kusangizira dziko, mbwenye cinjikani mukhale anthu apsa pa manyerezero anu, toera mukwanise kulesera na kudzindikira kufuna kwadidi, kwakukoma na kwakukwana kwa Mulungu.

Na tenepo, abale anga, ndisakuphembani na ntsisi za Mulungu, kuti mupereke manungo anu ninga ntsembe za m'maso, zakucena na zakukoma kuna Mulungu. Kweneku ndiko kulambira kunafunika kuna Mulungu.

Khalani akutsandzaya pa kudikhira kwanu, pirirani pa nyatwa, wangisirani pa kuphembera.

Leka kukundiwa na kuipa, mbwenye kunda kuipa na kucita udidi.

Wangisani na kufunana muubale m'bodzi na m'bodzi. Sakani maka-maka kulemedza andzanu, mbamukhonda kusaka kulemedzeka mwekha.

Kufunana kwanu mbukuleke kukhala kwakunyengezana. Zondani kuipa, kakamirani udidi.

Citani pyonsene pinakwanisika kwa imwe, toera mukhale na ntendere na onsene.

Anyakufunika, lekani kuatonga ndimwe ale anakucitani kuipa, mbwenye siyani Mulungu aipirwe ndiye, thangwi pyalembwa kuti: “Anafuna kuathabusa ndine. Ine ndine anafuna kuatonga.” Ndipyo pidalonga Mbuya.

Phatani basa na kutsandzaya, khalani akuwanga mu nzimu mbamuphatira basa Mbuya.

Na thangwi eneyo, na kukoma ntima kwa Mulungu kudapaswa ine, ndisakupangani imwe monsene kuti: Lekani kunyerezera kuti ndimwe adidi kakamwe kupiringana makhaliro ana imwe. Mbwenye munyerezere na kukhurudzika, na n'dida wa cikhulupiro cidapaswa imwe na Mulungu.

Lekani kubwerezera kuipa munthu anakucitirani kuipa. Sakani kucita udidi pamaso pa anthu onsene.

Khalani na makhaliro mabodzi ene m'bodzi na m'bodzi. Lekani kupikuza, mbwenye funani kuphatana na anthu akupwazika. Lekani kukhala na manyerezero a udziwisi n'kati mwanu.

Mbwenye “ngakhala nyamalwa wako ana njala, mpase cakudya. Ngakhala ana nyota mpase madzi. Ungacita penepi, iwe usamuikha makala a moto pa nsolo pace.”

Pasani nkhombo ale anakuzondani. Apaseni nkhombo mbamukhonda kuapaswa dzedze. Tsandzayani na anatsandzaya, lirani na analira.

Phedzani mbumba ya Mulungu na pire pina imwe, pa pire pidasowa iwo. Tambirani alendo.

Thangwi ninga manungo mabodzi ana mapindi mazinji, mapindi enewa onsene nkhabe cita basa ibodzi ene. Na tenepo, ifembo na kuinjipa konsene kudacita ife, ndife manungo mabodzi muna Kirixtu, pontho phindi ibodzi na ibodzi yaphatana na onsene anango.