Popular Bible Verses from Apocalipsis 14

Share

Ucatsti mä aru ist'ta alajjpachat art'asisinquiri: “Ac kellkam: ‘Cusisiñanïpjjewa qhitinacatejj acat ucsaru Tatitur iyawsasa jiwapqui ucanacajja.’ “Jïsa,” uqham siwa Kollan Ajayojja, jupanacasti lurañanacapatjja samarjjapjjaniwa, ucampis luratanacapajj jupanac chicapunïscaniwa” sasa.

Ucatwa qhitinacatejj Diosancapqui, camachi arunacaparus jaysapcaraqui, Jesucristorus sum arcapcaraqui ucanacajja llamp'u chuymanïñapaw munasi.

Wali jach'ataracwa art'äna: “Ajjsartapjjam Diosaru, yupaychapjjaraquim, horasasti purinjjewa juparaquiw aca orakerojj taripani. Yupaychapjjam qhititejj alajjpachsa, acapachsa, kotsa, uma jalsunacsa lurqui ucaru” sasa.

Ucjjarusti yakha quimsïri angelaraquiw uñstäna wali jach'at art'asisa: “Qhititejj uca jach'a ajjsarcañ animalaru yupaychcani, uqhamarac uñtasitanacaparusa, uca ajjsarcañ animalan chimpupsa amparaparus jan ucajj paraparus uchayascani ucajja, Diosat jutcani uca jach'a mutüwi catokani, Diosan uca colerasiñapasti waquichatawa; asufrempi ninampi t'akhesiyatäpjjaniwa, Diosan angelanacapana, uqhamarac Corderon nayrakatapan t'akhesiyatäpjjaniwa. Jek'esti uca t'akhesïwipatjja wiñayapuniw mistu, janiraquiw samarañajj urus arumas utjquiti, qhitinacatejj uca jach'a ajjsarcañ animalaru, uqhamarac uñtasitanacaparus yupaychapqui, jan ucajj amparaparus, paraparus uca animalan sutipampi chimpt'ayasipqui ucanacataquejja.”

Ucatsti Corderoruw uñjta Sión kollu patana sayasquiri. Jupamp chicasti pataca pusi tunca pusini waranka jakenacaw ucancascaraquïna, jupanacasti paranacaparojj Corderon sutipampi, uqhamarac Awquipan sutipampi kellkt'atäpjjänwa.

Ucatsti yakha angelaracwa alajjpachan jalanakasquir uñjta. Jupasti wiñay khespiyasiñ arunacanïnwa take jakenacaru yatiyañataqui, take marcanacaru, take casta jakenacaru, cunayman parlani jakenacarusa.

Ucatsti yakha angelaraquiw uñsti aqham sasa: “Aynacht'jjewa, aynacht'jjewa jach'a Babiloniajja, marcanacarusti vinompjamawa macharayi jan wali sarnakäwipampi” sasa.