Popular Bible Verses from Apocalipsis 10

Share

Cunapachatï pakallköri angelajj trompetap phust'ani ucqhajja, Diosan imantata amtatanacapajj phokhasjjaniwa, cunjämtï jupajj profetanacap toke yatiyquistän uqhamaru” sasa.

Ucatsti sapjjaraquitänwa: “Jichhajj wastat parlañamawa cuntejj Diosajj sisqui take marcanacata, take casta parlani jakenacata, uqhamarac jach'a reyinacatsa uca” sasa.

Ucatsti mä wali munañani angelaruw alajjpachat sarakasinquir uñjta mä kenayampi muyuntata, p'ekeparusti mä cürmini cuna. Ajanupajj intir uñtataw khanäna, cayunacapasti ninar uñtataraquïnwa.

Ucatsti angelan ucaruw sarta: —Uca jisc'a libro churita —saractwa. Jupasti saraquituwa: “Acajj catum, ucatsti mank'antam. Lacamanjja misq'ir uñtata mojjsäniwa, puracamansti wali c'allc'uraquiw tucjjani” sasa. Ucatwa uca jisc'a libro catta, angelan amparapat apakasinsti mank'antaractwa; lacajjansti misq'ir uñtata wali mojjsapunïnwa, puracajjansti wali c'allc'üjjaraquïnwa.