Popular Bible Verses from Proverbios 15

Share

Suma arumpi cutt'ayañajja colerañjja apakewa, ucampis jan wali arumpi cutt'ayañajja, juc'ampwa colerasiyi.

Tatitur ajjsarañajj yatiñ cancañwa utjayi; llamp'u chuyman tucuristi jach'ar aptatawa.

Suma arunacajj jacaña kokjamawa, ucampis jan wali arunacajj jaken chuymaparojj usuchjiwa.

Cunapachatejj jan jisct'asiñajj utjqui ucqhajj, amtäwinacajja aynacht'iwa; walja amuyt'ayirinacampiw sumar mistsuñajj utji.

Cusisit chuyman jakesti ajanupanjja cusisitaraquiwa; llaquit chuyman jakesti llaquita ajanuniwa.

Tatitojj take chekanquiwa; jupajj uñch'uquisquiwa asqui jakenacaru, uqhamarac ñankha jakenacarusa.

Wali kamiri, llaquita jacañat sipansa, wali asquiwa pobrëscaña, Tatiturusa yupaychascañajja.

Mäqui colerasir jakejj nuwasiñanacwa utjayi; qhititejj llamp'u chuymanïqui ucasti, pachparuwa ch'ujtayi.

Asqui jakejj janïra parlcasinjja suma amuyt'asisinwa arsu, ucampis ñankha jakejja mäquiwa jan wali arunaca parlatati.