Popular Bible Verses from Filipenses 4

Share

Jan jumanacajj cunats llaquisipjjamti, take cunsa Diosar sapjjam oracionana, mayipjjam yuspagarapjjaraquim.

Diosajj jumanacarojj churapjjaraquïtamwa samarañapa, ucasti take cuntejj jakejj amuyt'caspas ucat juc'amp jach'awa. Uca samarañasti jumanacan chuymanacamsa, amuyunacamsa imaniwa Cristomp mayaquïpjjatam laycu.

Ucjjarojj, jilatanaca, lup'ipjjam cunatejj chekäqui, cunatejj maynïr asqui uñjañäqui, cunatejj wali sumäqui, cunatejj k'omäqui, cunatejj muncañäqui, cunatejj aytat luräwinacäqui. Lup'ipjjam, take cunatejj sumäqui yupaychañataquïqui ucanacata.

Criston ch'amapampejj take cunaruw saycatirista.

Tatituncasajj cusisitäpjjapunim take urunacana. Wasitat sapjjsma, cusisipjjam.

Nayan Diosajjawa take cunatejj jumanacan jan utjquisa ucjja churapjjätam Cristo Jesusan walja c'ajquiri kamir cancañaparjama.

Cuntejj yatichapcsma ucanac lurapjjam, cuntejj ist'apctas uñjapcaraquistas uc lurapjjaraquim, sumancañ Diosasti jumanacampipunïniwa.

Suma chuymanïpjjatamajj take jakenacan uñt'atäpan. Tatitojja jac'anquiwa.

Yatiractwa cunjämäquitejj pobresan jacañäquis ucjja, uqhamarac yatiractwa take phokt'at jacañsa. Yatekaractwa cunjäm sarnakañsa sist'atäñansa jan ucajj awtjatäñansa, yatiractwa walja utjirinïñsa, jan cunanïñsa.

Janiw pist'ayasitajj laycuti uc sisctjja, ucampis nayajj yattwa cunatejj utjquitu ucampejj cusisitäñajja.