Popular Bible Verses from Josué 10

Share

Intimpi phajjsimpejj sayt'apjjänwa cuna horasatejj Israel marcajj uñisirinacapat phoksusipcän ucqhacama. Cunjämtï Justo sat jaken libropan kellkatäqui: “Intejj chica cieloruw sayt'äna, janiraquiw sartañ muncänti” sasa.

Cunapachatï Diosajj israelitanacar amorreo marca catuyän ucqhajj Josué chachasti Tatituruw parläna Israel marca nayrakatana aqham sasa: “Jumasti inti sayt'am Gabaón marca pataru, uqhamaraqui jumas phajjsi sayt'asim Ajalón sat valle pataru.”

Janipuniw uca urjamajj utjcänti ni jichha tiemposa ni nayra tiemposa, cunjämtï Diosajj mä jaken mayisitaparu ist'äna, ucatsti Diosaw Israel marcar arjjatasa nuwasiscäna.

Ucatwa Diosajj Josué chacharojj säna: “Jan jumajj ajjsarayasimti, nayaw jumar catuysma, janiraquiw cawquïri reyis jumampi nuwasiñjja puedcaniti” sasa.

Ucatsti Josué chachajj sänwa: “Jan jumanacajj ajjsarapjjamti ni sustjasipjjaraquimsa, jan ucasti wali ch'amani sayt'asipjjam, Diosasti aca quipca luraraquini jumanacan uñisirinacamampejja” sasa.