Popular Bible Verses from Jueces 6

Share

Diosan angelapajj uñstasinjj sänwa: —¡Diosajj jumampïsquiwa, ch'amani, jan ajjsarir jake! —sasa.

Diosasti uñcatasinjja sänwa: —Kawkhatejj ch'amamajj utjqui ucampi israelitanac khespiyir saram madianitanacan t'akhesiyatäñata. Nayawa jumarojj qhithascsma —sasa.

Diosasti sascaquïnwa: —Lurätawa, nayawa jumampiscäjja jumasti atipjätawa madianitanacarojja cunjämtejj qhitisa mä sapa jakeru atipjqui uqhama —sasa.

Ucatsti Gedeonajj saraquïnwa: —Tata, perdont'ita, Diosatejj nanacampïscchi ucajja, ¿cunatsa aqhama jan walt'añanacajj juti? ¿Cawquinquisa take milagronaca luratanacapajja, cawquïr luratanacapatejj nanacan nayra awquinacajjajj parlapquitu Diosawa Egipto marcatjja irpsunistu sasa ucajja? Diosasti nanacat armt'asisa apanucusasti madianitanacana t'akhesiyatäñaruw catuyapjjetu —sasa.

Ucampis Gedeonajj wastatampiw saraqui: —Tata, mayampiw achict'assma perdont'aquitaya, ¿cunjämarac nayasti israelitanacar khespiyiriststi? Nayana familiajjasti wali pobrequiwa Manasés sat tribu taypinjja. Uqhamarac nayajj sullcaquïtwa familiajj taypinjja —sasa.

Ucatsti Diosana mä angelapajj jutasinjja Ofra sat chekansti encina sat koka patjjaruw kont'asïna. Aca orakesti Joás sat chachancänwa, jupajj Abiezer sat familianquirïtap laycu. Gedeón sat Joás sat chachan yokapasti mä jamasa chekanjja trigo thalascäna, cawqhantejj uvanaca taquipjjerïcäna vino lurañataqui ucqhana, jani madianitanacampi uñjayasiñataqui.

Ucatsti Gedeonajja mä altarwa Diosataqui waquicht'i ucarusti suticharaquïnwa “Diosawa samarañajja” sasa. Aca altarasti Ofra marcancasquiwa, Abiezer sat familian marcapana.

Gedeonasti wastatampi sascaquïnwa: —Nayatejj juman qhuyapt'ayasiñama jicjjatsta ucajja, mä uñacht'äwi churita chekpachana jumajj nayampi parlatama yatiñajjataqui.

Diosasti saraquïnwa: —Jan ajjsaramti, janiw jiwcätati. Nayana samarañajja catokam —sasa.

Israelitanacasti Diosan uñjcatajja cunayman jan walinacwa lurapjjäna. Ucatsti Diosajja pakallko maranacawa madianitanacan apnakatäñaru catuyäna.