Popular Bible Verses from Isaías 60

Share

Jerusalén, mä c'ajquir khanampi llawuntata sartasim, khanamasti purinjjewa, Tatitun c'ajquir khapak cancañapasti jumjjan khani.

Marcanacajj uca khanamaruw jutapjjani, reyinacasa khantati khanamaruraquiw jutapjjani.

Aca orakerusti ch'amacaw muyunti, marcanacarus aruma ch'amacaw muyuntascaraqui, ucampisa Tatituw jumjjanjja khanani, jumjjanracwa Tatitun khanapajj uñstani.

Aca mä juc'a jakenacasti warankanacaruw tucupjjani, aca mä kawkha jakenacasti mä jach'a marcaw tucupjjaraquini. Nayätwa Tatitojja, nayaw take ucanacjja horasaparu phokhasiyaraquï.”

“Urusti janiraquiw intin khanañapas munascjjaniti, arumasti janiraquiw phajjsin khanañapasa, munascjjaniti jan ucasti naya Tatituw juman wiñaya khanamäyäjja, naya Diosamaw, juman khanamäyäjja.

Intimajj janipuniw ch'amact'caniti, phajjsin khanapas janiraquiw chhaktcaniti naya Tatituw juman wiñay khanamäyäjja uca laycu, lutosiña urunacamasa tucusjjaniwa.

Jumasti, ucanac uñjasajj walpun cusisïta, chuymamasti cusisiñansa phokt'ataraquïniwa; kota tokenquir marcanacan kamir cancañanacapwa apanirapipjjätam, marcanacan kamir cancañapwa catuyapjjaraquïtam.

Sartasim ucatsti take toke uñatatasiraquim, takeniw tantacht'asipjje juman ucar jutañataqui. Yokall wawanacamajj jayatpachwa jutjjapjjani; imill wawanacamasa ampararu ichunitäjjapjjaraquiniwa.

“Marcamanquiri take jakenacasti suma jakenacäniwa, orakepatsti wiñayataquiw jupanacancjjani; cawquïri altï nayajj ayrcäyätjja ucat sartirïpjjtawa, amparajjampi uscutäpjjtawa, nayan jach'a cancañajj uñacht'ayañataqui.

Orakemansti janipuniw ch'ajjwañanacajj mayampis ist'ascjjaniti, uqhamaraqui orakemansa janiw t'unjatäñajj, aynacht'añas utjcjjaniti, jan ucasti perkanacamarojj: ‘Khespiyasiña’ sasaw sutichäta, puncunacamarusti: ‘Yupaychaña’ sasaraqui.

Puncunacamasti jist'aratapunïniwa, janiraquiw arumasa, urusa jist'antascaniti, uqhamat marcanacan kamir yänacapa jumataqui apaniñapataqui. Reyinacas uca chekjja jilïrinacapampi mantapjjañapataqui.

Walja camello tamanacaw muyuntapjjaraquïtam, ucanacasti Madián, uqhamaraqui Efa sisqui uca chekanacatwa jutapjjani; Sabá tokenquirinacasti takeniw jutapjjani kori, incienso ucanac apt'ata, ucatsti Tatitun suma luräwinacapwa yatiyapjjaraquini.

Yakha marcanquir jakenacaw perkanacamjja wasitat sayt'ayapjjani, reyinacapasti jumaruw sirvipjjaraquïtam; Tatitojj colerasiñapan mutuycchiyätam ucasa, jichhajj munasiñapanwa jumarojj qhuyapayasiractam.

Janiw mayampis apanucutäpcätati, uñisita, sapaquiraqui, jan ucasti nayaw jumarojj wiñayataqui c'ajquir tucuyäma, wiñayataqui cusiscañaraqui.

Marcanacasti suma mank'anacapwa churapjjaraquïtam, reyinacasti kamir cancañanacapwa apanipjjaraquini; ucapachaw amuyaraquïta, naya Tatitojj juman khespiyirimätajja, naya, Jacobon Ch'amanipajja, jumar khespiyirïtajja.