Popular Bible Verses from Isaías 51

Share

“Naya, naya quipcaw jumarojj ch'amachsma. ¿Qhitirus ajjsarta? ¿Jakenacaruti? ¿Jiwir jakenacaruti ajjsarta, qhitinacatejj korar uñtata tucusipjjani ucanacaru?

nayaw alajjpach uscta, aca oraksa sum sayt'ayaractjja. Nayaraquiw lacamarus arunacajj uchtjja, amparajjampiraquiw arjjatsma. Nayaw Sión marcarojj ‘Jumajj marcajjätawa’ ” saractjja.

“Ist'apjjeta jumanaca, qhitinacatejj yatipcta cunatejj chekäqui uca, nayan yatichäwinacajj sum catoker marca. Jan ajjsarapjjamti jaken jan wali parlatanacapjja, janiraqui jaken jisc'achäwi arunacapampis sustjasipjjamti

Nayaw Sión marcarojj wal qhuyapayä, jupasti k'ala tucjatapunïnwa. Wasaranquir waña orakenacsti mä pankar yapuruw tucuyä, cunjämtejj Tatitojj Edén huerto usccänjja uqhama. Ucanwa cusisiñas, c'uchiquïñas utjani, uqhamaraqui Tatitur yupaychaña k'ochunacasa, suma k'ochunacasa.

Uqhamaraquiw Tatitun khespiyatanacapajj cuttanipjjani, Sión marcarusti cusisiñat arnakt'asisaw mantanipjjani, ajanunacapasti wiñayataquiw c'uchiquïni; cusisiñampi, sumancañampwa jicjjatapjjani, t'akhesiñasa, jachañasa tucusjjaraquiniwa.