Popular Bible Verses from Isaías 43

Share

Nayaw jichhajj take cunsa machak lurä, ucsti jichpacharaquiw uñjäta. Wasaran thaquinacwa jist'arä, jan achuri orakensti jawiranacwa jist'araraquï.

Umanjam maqhatañamächejja, nayaw jumampïscäjja, jawiranac maqhatañamächejja, janiw jalantasin jiwcätati; ninanjam pasañamächejja, janiw naqhantcätati, ninas janiw jumanjja naccaniti.

Jichhasti Tatitojj marcaparojj siwa: “Cunatejj wasüru pascän ucjja jan amtcjjamti, janirac juc'ampi cunanacatejj pascän ucanacs amtcjjamti.

Ucampis jichhajj Israel, Jacobon marcapa, jumar uywiri Tatitojj sistamwa: “Jan ajjsaramti, nayaw khespiysma, nayaw sutimat jawssma, jumajj nayanctawa.

nayan jumar munatajj laycu, jumajj wali jila alanïtawa, nayasti wal munassma. Jumajj nayancañamataqui jacañam khespiyañataquisa, nayajj jakenacwa, uqhamaraqui marcanacwa catuyta.

Nayätwa juman Tatitumajja, khespiyirimajja, Israelan Kollan Diosapätwa. Nayaw jumarojj alasinsa alassma. Egipto, Etiopía, Sabá marcanacata

Jan ajjsaramti, nayaw jumampïscta. Inti jalsu toketsa, inti jalanta toketsa, nayaw jakenacamjja anthapinjjä.

“Ucampis nayajja, Diosamätajj laycojj, jake jiwayatanacamjja pichsmawa, juchanacamatsti janiw mayampsa amtascjjäti.

Tatitusti siwa: “Jumanacäpjjtaw nayan khanañchirinacajjajja, nayan ajllit sirvirinacajja, nayaw jumanacar ajllisipjjsma nayar uñt'apjjañamataqui, alcatapjjañamataquiraqui, uqhamat amuyapjjañamataqui qhitïctejj nayajj uca. Nayat nayrajj janiw qhiti diosas utjcänti, acat kheparus janipuniw utjcaniti.

Naya sapaquïtwa Tatitojja, nayat yakhasti janiw khespiycaspati.”

Nayratpach nayaquipunïtwa Diosajj. Janiw qhitis ch'amajjatjja khespiycaspati. Cuntejj nayajj lurcta ucsa janiw qhitis t'unjcaspati.”

Take montenquir animalanacajj jach'añchapjjetaniwa, kollu anunacasa, avestruz jach'a jamach'inacasa, wasaran uma jalsuyatajj laycu, jan achuri k'ara orakenacansa jawiranac jist'aratajjata, uqhamat ajllit marcajjar uma churañataqui. Cawquïr marctejj nayajj uywasta nayan sutejja yupaychañapataqui.

Amstarojj saraquïwa: ‘Cuttayanjjam’ sasa, aynacharusti saraquïwa: ‘Jan jupanacampi kheparamti. Wawanacajjarojj cuttayanirapjjeta jayatpacha, orake tucusitpacha, take qhitinacatejj nayan sutejj apapqui, qhitinacarutejj nayajj uywcta, jilsuycaracta, nayan cusisiñajjataqui uywcta ucanacaru cuttayanjjam” sasa.

Tatitusti mä thaqui jist'araraqui jach'a kokanjama, mä jisc'a thaqui jist'ari walja khothutiri umanac taypina; mä ch'amani ejercitoruw mistsuyani, carronacapampi, caballonacapampi t'unjayañataqui. Liwinucutaw uñjasipjje, ucampis janiw sayt'asipcaniti; jiwt'ir mechar uñtataw tucusiwayjjapjje.

Nayätwa Tatitojja, Israelar acapachar uscurejja, Kollan Dios, jumanacan reyima.”