Popular Bible Verses from Isaías 11

Share

Tatitun ajayupasti jupjjancapuniniwa, ucatsti yatiñampi, ch'iqhi cancañampi, suma amuyt'a chuymampi, ch'amampi, Tatitur uñt'añampi jupar ajjsarañampwa churani. Jupajj janiw alek uñcatasaqui cunsa uñjcaniti, ch'ajjwanacsa janiraquiw aleka parlanac ist'asaqui t'akjcaniti.

Uca troncojj Isaí chachawa, jisc'a aliw ch'ichsu, mä aliw saphinacapatjja ch'ichtaniraquini.

Aynacht'atanacarusti cheka luräwimpiw uñjani, marcan utjiri pobrenacan arsusitanacapsti arjjataraquiniwa. Arunacapasti mä varar uñtataraquïniwa khoru jakenacar mutuyañataqui. Ñankha jakerusti samanapampi phust'asaquiw jiwayaraquini.

Chekaparu uñjaña cancañampi, suma chuymampi isthapitaw sararaquini.

Nayan kollan kollojjansti janiw qhiti cuna ñankha luriris utjcaniti, cunjämatejj umajj k'al phokhantejja uqhamaraquiw Tatitun yatiñapajj take marcpacharu phokhantani.

Ucapachaw kamakempi ovejampejj suman jacasipjjani, tigrempi, cabritompisti mayaquiw samart'apjjaraquini, vaca kallumpi leonampisti jac'apuran jilasipjjaraquini, mä jisc'a yokall wawaraquiw jupanacarojj awatini.

Uca urunjja Isaí chachan saphipat ch'ichtanir alejja mä unañchäcaspas marcanacataquejj uqhamaw sartani, marcanacasti jupar thakheriw sarapjjani, cawqhanccanitejj jupajj ucqhasti c'ajquirïniwa.