Popular Bible Verses from Isaías 1

Share

Tatitojj siwa: “Jutapjjam, uca jan wali luratanacamat parlapjjañäni. Juchanacamajj wila colorar uñtatäcchinisa, nayajj qhunjam jank'ow tucuyäjja; ch'iyar wila isir uñtatäcchinisa, nayajj jank'o t'arwaru uñtata tucuyäjja.

Jumanacatejj jaysapjjetäta ucapachajj, cuntejj orakejj achqui ucanacwa sum mank'asipjjäta

¡Asqui lurañanac yatekapjjam, cunatejj chekapäqui uca lurañanacaruraqui ch'amachasipjjam, t'akhisiyatanacarusti arjjatapjjam, wajchanacarusti chekapar uñjapjjam, ijma warminacatsti arjjatasipjjaraquim!”

ucampis nayataqui sayt'asisipcaquïtajja, guerranjj jiwarapjjaquipunïtawa.” Pachpa Tatituw ucjja arsu.

“¡Jarikasipjjam, k'omachasipjjaraquim! ¡Uca ñankha lurañanacamsti nayrakatajjatjja jayar apapjjam! ¡Ñankha lurañanacsti apanucupjjaraquim!

Cunapachatejj jumanacajj amparanacam loktasa mayisinipjjetäta ucapachajj, nayajj janiw jumanacar uñtanipcämati; oracionanaca walja lurasipcäta ucapachajj, janiw nayajj ist'apcämati. Amparanacamajj wilararcamaquiwa.

Jan juc'ampi uca jan wali churäwinac apanjjapjjestati, janiw ucanacan jek'enacapjja uñjan muncti. Jumanacajj take jakenacaruw machak phajjsi, uqhamaraqui samarañ uru fiestachañataquejj jawsapjjtajja, ucampis janiw nayajj uca fiestanacamjja uñjañ muncti, uca pachpa fiestanacan ñankha luratanacamsa.

Orko vacajj jakeparojj uñt'asiwa, asnos jakepan uywa uyupjja uñt'asiraquiwa; ucampisa Israel marcajjajj, nayan quipca marcajjajj, janiw uñt'quiti, janiraquiw amuyt'ascaraquisa.”

Machak phajjsi fiestanacamsa, take tantachasïwinacamsa nayajj uñistwa. ¡Nayarojj uca fiestanacamajj wal colerayitu, janiraquiw uñjañ muncti!