Popular Bible Verses from Hebreos 2

Share

Camistejj jupa pachpa t'akhesiwayi, uqhamarac yant'at uñjasiwayquejja, ucatwa jichhajj yanapt'araquispa qhitinacatejj yant'ar puripqui ucanacarojja.

Mä familian wawanacapajj mä janchita, uqhamarac mä wilat jutiriquiwa; Jesusajj janchimpit wilampit jutaraqui uqhamat jiwañapataqui, ucatsti qhititejj jiwayañatac ch'amanïcän ucaru t'unjañataqui, ucasti Supayawa.

Ucatwa cuntejj ist'ctan ucarojj wali amuyu uchañasa, jan thaquit maysar saranucuñataqui.

Ucataquipï waquisïnjja take cunansa jilanacapjam tucuyatäñapajja, qhuyapayasiri, cheka jach'a sacerdotëñapataqui Dios nayrakatana, uqhamarac sacrificio toke take jakenacaru juchanacap apakañataqui.

Ucampis Jesusarojj uñjtanwa, juparusti Diosajj angelanacat sipansa menosaruw tucuyi mä juc'a tiempotaqui. Diosajj munasiñapatwa munäna taketac jiwañapa, jichhasti jach'a cancañapampi uqhamarac jach'añchäwimpi coront'atawa jiwañan t'akhesitap laycu.