Popular Bible Verses from Hebreos 11

Share

Iyawsañajja: “Catokäwa” sas take chuymampi suyt'ctans ucawa, uqhamarac chekpachapuni iyawsañasa cuntejj jan uñjtan ucajj chekätapa. Nayra awquinacasajj sumaru uñt'atänwa iyawsañanïpjjatap laycu.

Janiw Diosarojj jan iyawsañampejj cunapachas cusisiycsnati, jupar jac'achasiñataquejja maynejj iyawsañapawa Diosajj utjatapa, uqhamaraqui jupar thakerinacarojj bendicirïtapa.

Iyawsäwi laycuraquiw yattan Diosajj arupampi acapach luratapa, cuntejj jichhajj uñjtan ucajj jan uñjcayat luratätapa.

Iyawsäwi tokeraquiw Abrahamajj cunapachatejj Diosajj jawscäna ucqhajj ist'äna, ucatsti jupajj mistuwayjjänwa cawqharutejj Diosajj orak churañapäcäna ucaru. Orakepat mistusinsti janiw cawcsar sarataps yatiscaraquïnti. Iyawsäwi laycuw Abrahamajj yakha marcat jutir jakjam jacasïna, cawquïr oraktejj Diosajj jupar churañatac arscäna uca orakena. Jupajj carpanacan jacäna, camisatejj Isaacas, Jacobos jaccäna uqhama. Jupanacasti, Diosajj jupanacar churañatac arscäna uc catokapjjaraquïna.

Iyawsäwi laycuw Noé chachajj Diosarojj ist'äna uqhamarac arcsa luräna familiapan khespiyasiñapataqui, cunapachatejj Diosajj jan uñjatäcäns ucanacan pasañap yatiycän ucqhajja. Uca iyawsäwi laycuraquiw Noé chachan acaorakenquirinacarojj juchañchäna, uqham iyawsatap laycuraquiw Diosampejj catokatäna.

Enoc chachas iyawsäwi laycuw mä jacañarojj jan jiwasina aptatäjjäna, janiw mayamps jicjjatcjjapjjänti, Diosaw juparojj apasiwayjjatayna. Kellkatanjja saraquiwa: “Janïra apatäcasinjja, Enoc chachajj Diosaruw cusisiyatayna” sasa.

Iyawsäwi laycuw Abel chachajj Caín jilapat sipansa suma sacrificio Diosarojj loktäna, ucatwa Diosajj catokäna jupan ofrendapjja. Abel satäcäns ucajj jiwatäcchisa, parlascaquiwa iyawsäwip utjatap laycojja.

Iyawsäwi laycuraquiw Sara warmis, wali chuymanëjjasas Diosat ch'am catokänjja wawanïñataqui; Diosan arsutapar iyawsatap laycuw wawanïna.

Abrahamajj suyt'ascaraquïnwa suma utt'ayata marca, uca marcan luriripajja Diosawa.

Iyawsäwi laycuraquiw Moisesajj jach'äjjän ucqhajj jan muncänti Egipto reyin phuchapan wawapaw sayasiñjja. Jan ucasti Diosan marcapan uñisitäñwa munäna, mä juc'a tiempo juchanacan cusisiñat sipansa. Jupajj juc'amp kamirjamwa amuyasïna Cristo laycu jisc'achatäsajja, take Egipto marcan utjirininacat sipansa, cuntejj Diosajj churañapäcän uc yatisina. Iyawsäwi laycuraquiw Moisesajj sarjjäna Egipto marcatsa, reyin colerasiñapar jan ajjsarasa, cuntejj amtcatayna ucjja janiw chhaktayascänti, jan uñjcañ Diosarojj uñjcaspas uqhama.

Abrahamajj iyawsäwi laycuraquiw, cunapachatejj Diosajj yant'cäna ucapachajj Isaac wawapjj apanïna sacrificion loktañataqui. Jupajj janc'aquïnwa uca mä sapa wawap loktañataquejja, Diosajj juparojj arsuwaycchïn ucasa

Iyawsäwi laycuraquiw Rahab sat jan wal sarnaker warmejj jan jiwayatäcänti mayni jakenacamp chica, jupan uñaka israelit jakenacar sum catokatap laycu.

Iyawsäwi laycuraquiw israelitanacajj wañäcaspas uqhama Mar Rojo sat kotjja pasapjjäna; cunapachatejj egipcionacajj uqham pasañ munapjjaraquïn ucqhajja, umaw jupanacarojj jiwarayjjäna.

Iyawsäwi laycuraquiw Jericó marcan jach'a perkanacapas tincuraraquïna, israelitanacajj pakallk uru muyupjjäna ucqhajja.

Iyawsäwi laycuraquiw Moisesajj Pascua luräna, ucat uta puncunacaru wilamp ch'allsuyaraquïna, jiwayir angelan jan cawquïr israelitanacan tayna wawanacaparus jiwarayañapataqui.

Iyawsäwi laycuraquiw Joseajj jiwañampëjjasinjja säna: “Israelitanacajj Egipto marcat mistjjapjjaniw” sasa, uqhamarac ch'aqhanacapampejj cuntejj lurasiñapäcänjja ucs sawayaraquïna.

Iyawsäwi tokeraquiw Jacobojj niya jiwañampëjjäna ucqhajja, bendición churäna Josean sapa mayni wawanacaparu, ucatsti Diosarusa yupaychäna thujrupata thujrt'asisina.

Iyawsäwi laycuraquiw Isaacajj Jacobompiru, Esaumpiru bendición churañjja arsuwayäna.