Popular Bible Verses from Ezequiel 7

Share

Kollkenacapsa callenacaruw willtapjjani, korinacapsa k'añu t'unanacäcaspas uqhamwa wartapjjaraquini. Tatitun colerasiñapa urojj purincani uca urusti janiw koripasa ni kollkepasa jupanacarojj khespiycaniti. Uca korinacajj janiraquiw mank'at awtjata puracanacapsa phokt'caniti, uca korir munasaw ñankha lurañanacaru puripjje.

Reyejj ch'iyar isimpiw isthapisini, marca apnakeristi llaquisiñaruw puriraquini, jakenacasti qhathatipjjaraquiniwa. Sarnakäwinacaparjamaw jupanacarojj uñjaraquëjja, cunjämtejj jupanacajj mayninacaru uñjapqui uqhamaracwa jupanacarojj uñjäjja. Uqhamatwa jupanacajj yatipjjani nayan Tatitütajja” sasa.

Janiw qhuyapayasiñampi jumarojj uñjcämati, sarnakäwimatsti mutuyaraquïmawa, jan wali luratanacamatsa t'akhesiraquïtawa. Ucapachaw jumanacajj nayan Tatitütajja yatipjjäta.

Jichhajj janiw jumarojj qhuyapayasiñampi uñjcämati; take sarnakäwinacamatsti mutuyapunïmawa, ajjtascaña luräwinacamatsti t'akhesiyapunïmawa. Ucapachaw jumanacajj yatipjjäta nayan Tatitütajja, mutuyirïtajjsa.