Popular Bible Verses from Ezequiel 2

Share

Uca aruna uqham nayar parljjayañapcamasti, nayarojj Diosan ch'amapaw mantitu, uca ch'amampiw cayojjat sayt'ayaraquitu, ucatsti cuntejj uca arojj parljjayquitän ucwa ist'aracta, aqham sasa: “Jumarusti, israelitanacan ucaruw qhitäma, uca israelita jakenacasti nayataquiw sayt'asipjje. Jupanacasa uqhamaraqui nayra awquinacapasa naya tokepuniw jichhürcama sayt'apjje.

Jumajj arunacajja jupanacarojj khanañcham, ist'apjjpasa janis ist'apjjpan, jupanacan naya toke sayt'asiri jakenacäpjjatap laycu. Cuntejj siscsma uca arunacsti sum ist'am janirac jupanacjam jan ist'asiri tucumti. Lacam ansatatam, ucatsti cuntejj churcäma uca mank'antaraquim” sasa.

Parlatamarojj ist'apjjpas janis ist'apjjpan, jupanacajj nayataqui sayt'asiri jakenacäpjjewa, ucampisa uca parlatamampejja jupanacajj yatipjjaniwa mä profetan jupanac taypin utjatapa.