Popular Bible Verses from Ezequiel 18

Share

Janejjay nayajj qhitin jiwañapsa muncstejja. Ñankha luräwinacamatjja jithektjjapjjam, ucapachaquiw jacapjjäta. Naya Tatituw ucjja arsta.

Qhititejj jucha lurqui ucaw jiwascanejja. Wawajj janiw awquin juchapatjja phokcaniti, awquis janiw wawan juchanacapatjja phokcaraquiniti. Asqui jakejj asqui lurataparjamaw suma wajjt'asïwi catokani, ñankha jakesti ñankha lurataparjamaraquiw mutuyäwi catokaraquini.

Cuna ñankhanactejj naya nayrakatan lurapcta ucanacsti mäpita apanucupjjam, mä machaka chuymani, mä machaka ajayuni tucupjjaraquim. Israel marca, ¿cunatarac jiwascätasti?

Janiw nayajj ñankha jaken jiwañapjja muncti jan ucasti muntwa sarnakäwipjja asquichasjjañapa, ucatsti jacjjañaparaqui. Naya Tatituw ucjja arsta.

“Ñankha lurir jaketejj take ñankha juchanaca lurcän ucanaca apanucjjani, ucatsti nayan leyinacajjarjamaraqui sarnakjjani, cunatejj asquïqui, cunatejj chekapäqui ucanac lurjjaraquini ucajj jacascaniwa, janiw jiwcaniti.

Leyinacajjarjamaw cunsa luraraqui, camachi arunacajjarus phokharaquiwa. Uca jakejj chekpachansa asqui, cheka jakewa, jupasti jacaraquiniwa. Naya Tatituw ucjja arsta.