Popular Bible Verses from Efesios 5

Share

Jumanacajj Diosan munat wawanacapäpjjtawa, jupajj cunjämäquitejj uqhamäpjjaraquimaya. Munasiñan jacapjjam, cunjämtejj Cristo Tatitojj munasquistu uqhama. Jupajj jiwasanac laycuw jacañap apt'asi, mä wilañchat ovejar uñtata, Diosatac suma k'apquir ofrenda loktasa.

Uqhamajj sarnakäwinacamanjja sum amuyasipjjam. Yatiñ cancañampi jacapjjam, janirac jan yatirinacjamajja. Jan tiempjja ina ch'usaru tucuyapjjamti, urunacajj jan walëjjatap laycu.

Jan machjasipjjamti, machjasiñasti jiwañaruw api; antisas Kollan Ajayumpi phokt'atäpjjam. Salmonacampi maynit maynicama chuymachasipjjam, yupaychañ k'ochunacampi, ajayun k'ochunacamp k'ochusina, uqhamarac Tatituru take chuymamp yupaychasina. Dios Awquirojj take cunatsa yuspagarapjjapunim, Tatit Jesucristosan sutiparu.

Jan lokhëpjjamti, jan ucasti cunäquitejj Tatitun munañapajja uc amuyañaru uscusipjjam.

Chachanaca, munasipjjam warminacamaru, cunjämtejj Cristojj iglesiaru munasi, uqhamarac jacañapsa jupa laycu apt'asiwayi uqhama.

Nayrajj jumanacajj ch'amacanwa jacapjjäyäta, ucampis jichhajja Tatitumpi mayachasipjjatamatjja, khananwa jacjjapjjta. Uqhamajj khananquirinacjama jacapjjam.

Maynit maynicama, Diosar ajjsartasina purapat ist'asirïpjjam.

Warminaca, chachanacamarojj ist'apjjam Tatiturjama.

Ucampis: sapa mayni jumanacajj warminacamaru munasipjjañamawa juma pachpas munascasma uqhama, warmisti chacharojj ist'añaparaquiwa.

“Ucatpï chachajj awquip taycap jaytanejja warmipampi mayachasiñataquejja, ucatsti paninitjja mä sapaquïpcaspas uqhamaw tucupjjani.”

Ch'amacanquirinacan jan cunatac sirviri luräwinacapanjja jan sarnakapjjamti, jan ucasti, uca jan wali luräwinacjja khanaru apsupjjam.