Popular Bible Verses from Eclesiastés 7

Share

Jan colerasiñampi atipayasimti, colerasiñajj pisi amuyt'an jakenquiwa.

Sumancaña jutipanjja cusisim; jan walt'aña jutipansti amuyt'asiraquim, mayasa, mayasa Diosanquiwa, ucatsti jakejj janipuniw yatquiti cunatï jutir urunacana jutcani ucatjja.

Mä cuna luräwi kalltañat sipansa tucuyañawa juc'amp asquejja. Jach'a jach'a tucuñat sipansa, llamp'u chuymanïñawa juc'amp asquejja.

Ucampisa aca orakenjja janiw qhitis asqui jakejj utjquiti, janipun juch lurasa asqui lurirejja.

Yatiñajja jakerojj arjjatiwa, cunjämatï kollkejj arjjatqui uqhama, ucampis yatiñ cancañajj jilanquiwa yatiñaniru jacaña churatapata.

Suma k'aphinacat sipansa, asquita uñt'atäñaw asquejja. Yuriña uruta sipansa, jiwaña uruwa juc'amp asquejja.

Pisi amuyt'animpi aytatäñat sipansa, yatiñan jaken arunacapar jaysañaw asquejja.

Cusisiñaru sarañata sipansa, jiwirin utaparu sarañawa asquejja. Jiwañajj take jakenacan tucuyäwipawa, ucatsti jaquirinacajj amuyt'asipjjañapawa.

Yatiñan jakejj jiwañatwa lup'isqui, ucampis pisi amuyt'anejj cusisir sarañatwa lup'iscaraqui.