Popular Bible Verses from Eclesiastés 12

Share

Parlañajj tucuyjjewa. Takewa parlatäjje. Diosar yupaycham, ucatsti camachi arunacapa phokham, take ucanacajj jaketaquïtap laycu.

Diosajj take luratanacasatwa wayt'istani, walitsa jan walitsa, jan uñjcat luratanacatsa.

Waynäcasina jumar irnoker Diosamat amtasim, janïra ch'ama tucuña urunacajj, uqhamarac maranacasa purinquipana cunapachatejj siscasma: “Sarnakäwejjanjja janiw cunas cusisiyquituti” sasa. Jichpach luram janïra intisa, phajjsisa, warawaranacasa ch'amact'quipana, uqhamarac jallu pasatatsa kenayajj utjquipana.

Jumar irnoker Diosamat amtasim janïra kollket lurat cordonajj t'akasquipana, kori phucus p'aquisquipana; janïra wacullas phuju lacan p'aquisquipana, janïra phujun qhiwiñapas p'aquisquipana. Uca pasatatsti lak'acäna ucajj lak'aruw cuttjjani, cunjämäcäntejj nayrajj uqhama, ajayusti Diosan ucaruraquiw cutt'jjaraquini, qhititejj churcäna ucaru.

Naya, yatiyirejj, wastatampiw sista: “¡Inamayaquiwa, inamayaquiwa! ¡Take cunas inamayaquiwa!” sasa.