Popular Bible Verses from Deuteronomio 6

Share

“Tatitu Diosamarusti take chuymamampi, take jacañamampi, take ch'amamampi munam.

Ucatsti wawanacamaruw yaticharaquïta; utamanccasina, thaquinjam sarcasina, uqhamaraquiw parlaraquïta iquintañataqui, sartañataquisa.

“Juman chuymamaruy catokam cawquïri camachi arunactï jichhüruna churcsma ucanacjja.

“Ist'am Israel marca: Jiwasan Tatitu Diosasti mä sapaquiwa.

Uqhamaraquiwa uca camachi arunacjja amparamaru ñach'antata aparaquïta, paramansti mä chimpur uñtata.

Uqhamaraquiw kellkantäta uta puncuman postenacarusa, uqhamarac quipca uta puncumarusa.

Jach'añchapjjam jumanacan Tatitu Diosamaru, jupa saparuquiraqui yupaychapjjam, ucatsti cunapachatï juramento lurapjjät ucqhajj Tatitu Diosan sutip aytasisina lurapjjaraquim.

“Jumanacan Tatitu Diosamasti cawquïri oraktï Abraham, Isaac, Jacob awquinacamaru churä siscatayna ucaruw puriyapjjätam. Uca orakesti wali jach'a, uqhamarac suma marcanacaniwa. Uca marcanacasti janiw jumanacan luratäcaraquiti. Utanacas suma yänacan phokhantata, ucanacasti janiw jumanacan phokhantatäquiti, uqhamaraqui uma phuch'unacani, uca phuch'unacasti janiw jumanacan allitäquiti; uva uqhamaraqui olivo yapunacani, uca yapunacasti janiw jumanacan yapuchatäquiti; ucatsti take ucanacatwa jumanacajj mank'apjjäta sist'asiñcama. Take ucanac pasjjani ucqhajj janipun jumanacajj Tatitu Diosat armasipjjamti, qhititï Egipto marcat irpsunipjjtam, cawqhantï esclavot sarnakascayäta ucata.

“Aca camachinaca, leyinaca, arsutanacapwa Tatitu Diosajj nayaru churitu jumanacar yatichañataqui, cawquïri orakenactï churapcätam ucan phokhapjjañanacamataqui. Uqhamatwa jumanacan Tatitu Diosamarojj jach'añchapjjäta, phokhapjjaraquïta camachi arunacapa, leyinacapa churapcsma ucanacaru take jacäwinacamana; uqhamaraqui wawanacaman wawanacapasa, uqhamatwa walja maranaca jacapjjaraquïta.

Ucatsti lurapjjaraquim cunatï chekäqui, sumäcaraqui Diosan nayrakatapana ucanaca, uqhamat suma sarapjjañamataqui cawquïri oraktï Diosajj arupampi arscäna awquinacamar churañataqui ucaru mantapjjañamataqui.

Jumanacampïqui uca Tatitu Diosasti janiw munquiti yakhampïpjjañama, ucatsti jumanac tokwa colerasispa, take jumanacaru t'unjañataqui.

Janiraqui yakha marcanacan diosanacaparus yupaychapjjamti.

“Janiraqui jumanacan Tatitu Diosamarojj yant'apjjamti, cunjämtï Masah sat chekan lurapjjta uqhama.