Popular Bible Verses from Deuteronomio 30

Share

Jichhüruw nayajj uchta alajjpachampiru acapachampiru jumanacat testigöñapataqui; jumanacaru jacañampita jiwañampita ajllisiñamatac churapjjsma; uqhamaraqui bendicionampita, maldicionampita ajllisipjjañamataqui. Ucampis jacaña ajllisipjjam, jumanacampi, wawanacamampi jacapjjañamataqui. Tatitu Diosamarusti munapjjam, ist'apjjaraquim, suma iyawsañampi arcapjjaraquim, jacañajj jupat jutatap laycu, jumanacan walja maranac jacapjjañamataqui, cawquïri oraktï Tatitu Diosajj arupampi arsusin Abrahamaru, Isaacaru, uqhamarac Jacob awquinacamaru churä siscatayna ucanjja.”

Jumanacatï ist'apjjäta, cawquïri ewjjanactejj jichhüruna churapcsma ucaru, Diosamarusa munapjjaraquïta, thaquipansa arcapjjäta, uqhamaraqui camachi aruparusa leyiparusa, arsutaparusa phokhapjjaraquïta, ucapachajj walja maranacaw jacapjjäta, walja wawanacanïpjjaraquiyätawa, ucatsti Diosamajj bendicïtamwa cawquïri oraktejj catcäta ucanjja.

“Uñjapjjam, jichhüruw ajllisiñamataqui churapjjsma, mä toketjja jacañampi, suma sarnakañampi; mä toketsti jiwañampi jan walt'añampiraqui.

Ucat sipansa camachi arunacajj jumanacatjja wali jac'anquiwa, jumanacan lacamana, amuyunacamancaraquiwa uqhamat phokhañamataqui.

Tatituw jumanacan chuymanacamaru uca suma arust'äwin chimpu uchapjjätam, uqhamarac khepa wawanacamarusa, jumanacan take chuymampi, almamampi munapjjañamataqui, uqhamat walja maranac jacapjjañamataqui.

Ucapachasti Diosajj take luräwinacamanwa jach'aptayapjjätam, wawanacamana, uqhamaraqui uywanacaman kallunacaparusa uqhamaraqui cosechanacamansa; Tatitu Diosamasti mayampwa jumanacar cusisiyapjjätam, cunjämatï nayra awquinacamampi cusiscän uqhama

Ucampis take aca arunacarutejj jan ist'cäta, uqhamaraqui maysarus sarakaraquïta, yakha diosanacaru yupaycharaquïta, jupanacaru quillt'asiraquïta ucapachajj, nayajj aca pachpa horasanwa sisma, chekpachansa jiwapjjätawa, janiraquiw walja maranacas jacapcätati cawquïri oraktï Jordán jawir maqhatasin catuntapcäta ucanjja.

“Aca camachi arunac jichhüruna churapcsma ucanacajj janiw jumanacataquejj sinti ch'amäquiti, janiraquiw jan phokhañjamäcaraquisa.

Janiw alajjpachanccaraquisa, juman sañamataquejja: ‘Qhitis alajjpacharu maqhataspa jiwas lanti, ucatsti apakanispa, jiwasaru uñacht'ayañataqui uqhamaru sarnakañataqui’ sasa.

Janiraquiwa jach'a kota qhurcatancquisa juman sañamataqui: ‘Qhitiraqui jiwas lanti kota qhurcataru maqhatani, ucat apanispa jiwasar uñacht'ayañataqui, ucatsti ucarjama sarnakañataqui’ sasa.