Popular Bible Verses from Deuteronomio 28

Share

“Chekpachansa Tatitu Diosamarutejj jaysätajja, phokharaquïta, uqhamaraqui cawquïri camachi arunactejj jichhüruna churapcsma ucarjama sarnakaraquïta, ucapachasti Diosajj take aca oraken marcanacjjaruw uchätam.

Ucampis take aca bendicionanacaw jumataqui jutani, Diosamar ist'atam laycu.

Diosaraquiw mä jach'a jilïrit utt'ayaraquïtam, janiw khepanccätati, wiñayapuniw nayrancäta, janiw aynacht'cätati jan ucasti amstancapunïtawa, jumaqui Diosaman camachi arunacapar jichhürun churcsma ucar phokhascamjja, take ajjsart'añamampi, ucanacarjam sarnakasaraqui

Ucatsti jist'arätamwa uca imantat alajjpachapa, orakemar jallu munqui uc churaniñataqui, uqhamaraquiw bendicïtam take irnakañamarusa. Ucsti take marcanacaruw mayt'araquïta, ucampis jumajj janiw cunsa mayt'ascätati.

“Diosaw amparanacamar catuyätam cunapachatejj uñisirinacamajj nuwantapjjätam ucqhajja. Jumanacampi nuwasiñataquejj suma formt'ataw jutantapjjani, ucampis jumanacar uñjasajj janiw cunjäm jaltjjapjjatapsa amtasipcaniti.

“Tatitu Diosamaw bendicionanac apayanipjjätam achunacan pirwanacamarusa, uqhamaraqui take cuntejj lurcäta ucarusa, ucatsti cusisitaw jacäta cawquïri oraktejj churcätam ucanjja.

Ucatsti take luräwinacamanwa bendicitaraquïyäta.

Ucatsti bendicitäyätawa, marcansa, pampa orakensa.

Uqhamaraqui bendicitäni take wawanacamasa, cosechanacamasa, vacanacamasa, ovejanacaman kallunacapasa, take uywanacamasa.

“Camachi arunacaptejj phokhäta, thaquipanjamsa arcaraquïta ucqhajj Tatitu Diosamajj juparu catuyat marcwa tucuyasïtam, cunjämtejj jupajj arupampi arsuwayctam uqhama.

Bendicitaraquïniwa achunac imasiñ canastamasa, uqhamaraqui t'ant'a chapusiñ lamanamasa.

Diosaw munasiñap uñacht'ayätam, walja wawanac jumar churasina, uqhamaraqui jilarquir orakenacamar achuyasa, cunjämtï awquinacamar arupampi arsusina churä siscatayna uqhamarjama.

Ucatsti take acapachan marcanacaw uñjapjjani, Diosan sutipajj jumjjan aytatätapa, ucatsti walirac ajjsarapjjätam.

jan maysarus ucanacat jithektasa yakha diosanacar arcaña ni yupaychaña munasasa.

“Ucampis jumatejj Diosaru jan ist'cäta ni camachi arunacaparjamasa, leyinacaparjamasa sarnakcäta, cawquïri ewjjanactejj jichhüruna churcsma ucanacarus jan phokcaraquïta ucqhajj, jumanac patjjaruwa take aca maldicionanacajj jutani.